ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಇಲ್ಲದೆ ತಯಾರಾದ ಅಡುಗೆ ಸಪ್ಪೆಯಾಗಿರುತ್ತದೆ ಎಂದೇ ಹೇಳಬಹುದು. ಇದರಲ್ಲಿರುವ ಔಷಧಿಯ ಗುಣಗಳು ಅನೇಕ ಆರೋಗ್ಯ ಸಮಸ್ಯೆಗಳನ್ನು ಕಡಿವಾಣ ಹಾಕುತ್ತದೆ. ಶತಮಾನಗಳಿಂದಲೂ ಶುಂಠಿ ಮತ್ತು ಬೆಳ್ಳುಳ್ಳಿ ಪ್ರಯೋಜನ ಮತ್ತು ಬಳಕೆ ಇವೆರಡನ್ನೂ ಮಾಡಲಾಗುತ್ತಿದೆ.
ಶುಂಠಿ ಮತ್ತು ಬೆಳ್ಳುಳ್ಳಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರಿಂದ, ಮನುಕುಲಕ್ಕೆ ಪ್ರಕೃತಿಯ ಅತ್ಯುತ್ತಮವಾದ ಕೊಡುಗೆಯಾಗಿದೆ.
ಭಕ್ಷ್ಯಕ್ಕೆ ಅತ್ಯುತ್ತಮವಾದ ಪರಿಮಳ ಮತ್ತು ರುಚಿಯನ್ನು ನೀಡುವಲ್ಲಿ ಬೆಳ್ಳುಳ್ಳಿ ಮತ್ತು ಶುಂಠಿಯ ಪೇಸ್ಟ್ ಹೆಚ್ಚು ಪಾತ್ರವಹಿಸುತ್ತದೆ. ನೀವು ಸಾಮಾನ್ಯವಾಗಿ ಬಳಸುವ ಶುಂಠಿ ಮತ್ತು ಬೆಳ್ಳುಳ್ಳಿಯ ಪೇಸ್ಟ್ ಆರೋಗ್ಯಕ್ಕೆ ಹೇಗೆಲ್ಲಾ ಪ್ರಯೋಜನಕಾರಿ ಎಂಬುದು ನಿಮಗೆ ಗೊತ್ತೇ? ಮುಂದೆ ಓದಿ.
ಕ್ಯಾನ್ಸರ್‌ ವಿರುದ್ಧ ಹೋರಾಡುತ್ತದೆ:–ಬೆಳ್ಳುಳ್ಳಿ ಕ್ಯಾನ್ಸರ್‌ ತಡೆಗಟ್ಟುವ ಗುಣಗಳನ್ನು ಹೊಂದಿದೆ. ಬೆಳ್ಳುಳ್ಳಿಯ ಕೆಲವು ರಾಸಾಯನಿಕ ಘಟಕಗಳು ಹೊಟ್ಟೆ, ಮೂತ್ರಕೋಶ, ಕೊಲೊನ್‌ ಮತ್ತು ಪ್ರಾಸ್ಟೇಟ್‌ ಅಂಗಾಂಶಗಳಲ್ಲಿನ ಗೆಡ್ಡೆಗಳ ಬೆಳವಣಿಗೆಯನ್ನು ನಿಧಾನಗೊಳಿಸುತ್ತದೆ. ಡಯಾಲಿಲ್‌ ಸಲ್ಪೈಡ್‌ ಎಂದು ಕರೆಯಲ್ಪಡುವ ಒಂದು ಘಟಕವು ಚರ್ಮ, ಕೊಲೊನ್‌ ಮತ್ತು ಶ್ವಾಸಕೋಶದ ಕ್ಯಾನ್ಸರ್‌ಗಳನ್ನು ತಡೆಗಟ್ಟುವಲ್ಲಿ ಹೆಚ್ಚು ಪರಿಣಾಮಕಾರಿ ಎಂದು ಸಾಬೀತಾಗಿದೆ.
ಮಧುಮೇಹ ಇರುವವರಿಗೆ ಒಳ್ಳೆಯದು
ಬೆಳ್ಳುಳ್ಳಿ ಮತ್ತು ಶುಂಠಿಯು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಮಧುಮೇಹ ಇರುವವರಲ್ಲಿ ಆರೋಗ್ಯದ ಇತರ ಗುರುತುಗಳನ್ನು ಸುಧಾರಿಸುತ್ತದೆ. ಟೈಪ್‌ 2 ಮಧುಮೇಹ ಹೊಂದಿರುವವರ ಮೇಲೆ ಸಾಕಷ್ಟು ಅಧ್ಯಯನಗಳು ನಡೆದಿವೆ. ಅದರ ಪ್ರಕಾರ ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಟೈಪ್‌ 2 ಮಧುಮೇಹ ಹೊಂದಿರುವವರಿಗೆ ಬಹಳ ಒಳ್ಳೆಯದು.
ಅಲ್ಲದೆ, ಬೆಳ್ಳುಳ್ಳಿಯ ಪೂರಕಗಳು ಮಧುಮೇಹ ಇರುವವರಿಗೂ ಸಹಾಯಕವಾಗಬಹುದು ಎಂದು ಅಧ್ಯಯನಗಳು ಸೂಚಿಸುತ್ತವೆ.
ಉರಿಯೂತ:–ಬೆಳ್ಳುಳ್ಳಿ ಮತ್ತು ಶುಂಠಿ ಎರಡೂ ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿವೆ ಎಂದು ತಿಳಿದುಬಂದಿದೆ. ಶುಂಠಿಯು ಪ್ರಬಲವಾದ ಉರಿಯೂತದ ಏಜೆಂಟ್‌ಗಳಾಗಿದ್ದು, ಇದು ಸ್ನಾಯುವಿನ ಅಸ್ವಸ್ಥತೆ, ಸಂಧಿವಾತ, ಅಸ್ಥಿ ಸಂಧಿವಾತ ಮತ್ತು ದೀರ್ಘಕಾಲದ ಉರಿಯೂತದ ಕಾಯಿಲೆಗಳಂತಹ ಪರಿಸ್ಥಿತಿಗಳನ್ನು ನಿವಾರಿಸುವ ಸಾಮರ್ಥ್ಯಕ್ಕೆ ಸಹಕಾರಿಯಾಗಿದೆ. ಬೆಳ್ಳುಳ್ಳಿಯಲ್ಲಿರುವ ಹಲವಾರು ಸಂಯುಕ್ತಗಳು ನಮ್ಮ ರಕ್ತಪರಿಚಲನಾ ವ್ಯವಸ್ಥೆಯಲ್ಲಿ ಅದರ ಉರಿಯೂತದ ಚಟುವಟಿಕೆಯನ್ನು ಹೆಚ್ಚಿಸುತ್ತದೆ.
ಹೃದ್ರೋಗವನ್ನು ತಡೆಯುತ್ತದೆ
ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಬಲವಾದ ಹೃದಯ ರಕ್ಷಣಾತ್ಮಕ ಗುಣಗಳನ್ನು ಹೊಂದಿದೆ ಎಂದು ಅಧ್ಯಯನಗಳು ತೋರಿಸಿವೆ. ಇದು ಹೆಚ್ಚಿದ ರಕ್ತದೊತ್ತಡ, ಅಧಿಕ ಕೊಲೆಸ್ಟ್ರಾಲ್‌, ಅಧಿಕ ರಕ್ತದ ಸಕ್ಕರೆಯ ಮಟ್ಟವನ್ನು ಕಡಿಮೆ ಮಾಡುತ್ತದೆ.
ಒಟ್ಟಾರೆ ಬೆಳ್ಳುಳ್ಳಿ ರಕ್ತದೊತ್ತಡ, ರಕ್ತದ ಸಕ್ಕರೆ ಮತ್ತು ಕೊಲೆಸ್ಟ್ರಾಲ್‌ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಜೀರ್ಣಕ್ರಿಯೆಗೆ ಚಿಕಿತ್ಸೆ
ಜೀರ್ಣಕಾರಿ ಕಾಯಿಲೆಗಳಿಗೆ ಈ ಶುಂಠಿ ಮತ್ತು ಬೆಳ್ಳುಳ್ಳಿಯು ಚಿಕಿತ್ಸೆ ನೀಡುತ್ತದೆ. ಇದರಲ್ಲಿರುವ ಕಾರ್ಮಿನೇಟಿವ್‌ ನ ಪರಿಣಾಮದಿಂದಾಗಿ ಕರುಳಿನ ಅನಿಲವನ್ನು ಒಡೆಯುವ ಮತ್ತು ಹೊರಹಾಕುವ ಮೂಲಕ ವಾಕರಿಕೆಯನ್ನು ತಡೆಯುತ್ತದೆ. ಮುಖ್ಯವಾಗಿ ಶುಂಠಿಯು ವಾಕರಿಕೆಯಿಂದ ಮುಕ್ತಿ ದೊರಕಿಸಿಕೊಡುತ್ತದೆ.
ಕೀಮೋಥೆರಪಿಗೆ ಒಳಗಾಗುವ ಕ್ಯಾನ್ಸರ್‌ ರೋಗಿಗಳಿಗೆ ಮತ್ತು ಗರ್ಭಿಣಿಯರು ಶುಂಠಿಯನ್ನು ನಿಯಮಿತವಾಗಿ ಸೇವನೆ ಮಾಡುವುದರಿಂದ ವಾಕರಿಕೆಯನ್ನು ನಿಯಂತ್ರಿಸಬಹುದು.
ಶುಂಠಿ ಮತ್ತು ಬೆಳ್ಳುಳ್ಳಿಯಲ್ಲಿನ ಗುಣಗಳು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಇದು ಉರಿಯೂತದ, ಆಂಟಿಫಂಗಲ್‌ ಮತ್ತು ಆಂಟಿಮೈಕ್ರೊಬಿಯಲ್ ಗುಣಲಕ್ಷಣಗಳನ್ನು ಹೊಂದಿದೆ.
ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಇದರಿಂದ ನೀವು ರೋಗಗಳನ್ನು ಎದುರಿಸಬಲ್ಲ ಶಕ್ತಿಯನ್ನು ಹೊಂದಿರುತ್ತೀರಿ.
ಹಾಗೆಯೇ ಕೆಲವು ಅಧ್ಯಯನಗಳ ಪ್ರಕಾರ, ಮುಟ್ಟಿನ ನೋವನ್ನು ನಿವಾರಿಸುವಲ್ಲಿ ಶುಂಠಿಯು ಸಾಮಾನ್ಯ ನೋವು ನಿವಾರಕಗಳಷ್ಟೇ ಪರಿಣಾಮಕಾರಿಯಾಗಿದೆ.