ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ನಾವು ಹುಟ್ಟಿದ ದಿನವೂ ನಮ್ಮ ಜೀವನದ ಮೇಲೆ ಅಳವಾದ ಪರಿಣಾಮವನ್ನು ಬಿರುತ್ತದೆ. ನಮ್ಮ ಜೀವನದ ದಿಕ್ಕು ಮತ್ತು ಸ್ಥಿತಿಯನ್ನು ನಿರ್ಧರಿಸುವಲ್ಲಿ ನಮ್ಮ ಜನ್ಮ ದಿನಾಂಕವು ದೊಡ್ಡ ಪಾತ್ರವನ್ನು ವಹಿಸುತ್ತದೆ. ಜೋತಿಷ್ಯ ಶಾಸ್ತ್ರದ ಪ್ರಕಾರ ನೀವು ಸೋಮವಾರದಂದು ಜನಿಸಿದರೆ ಸೋಮ ಅಂದರೆ ಚಂದ್ರನಿಂದ ಪ್ರಭಾವಿತರಾಗಿರುತ್ತಿರಿ. ಸೋಮವಾರ ಶಿವನಿಗೆ ಅತ್ಯಂತ ಪ್ರಿಯವಾದ ದಿನ. ಸೋಮವಾರ ಜನಸಿದವರಿಗೆ ಚಂದ್ರನ ಪ್ರಭಾವ ತುಂಬಾನೇ ಹೆಚ್ಚಾಗಿರುತ್ತದೆ. ಈ ಜನರು ಚಂದ್ರನಂತೆಯೇ ಶಾಂತವಾಗಿರುತ್ತಾರೆ, ಆದರೆ ಚಂದ್ರನು ಆಗಾಗ್ಗೆ ಏರಿಳಿತಗೊಳ್ಳುವುದರಿಂದ ಸೋಮವಾರದಂದು ಜನಿಸಿದವರ ಆಲೋಚನೆಗಳು ಸಹ ಬದಲಾಗುತ್ತಲೇ ಇರುತ್ತವೆ. ಈ ದಿನ ಜನಿಸಿದವರ ಕುರಿತಾದ ಹೆಚ್ಚಿನ ಮಾಹಿತಿ ಇಲ್ಲಿದೆ ನೋಡಿ.
ಸೋಮವಾರದಂದು ಜನಿಸಿದ ಜನರು ವಿಶೇಷ ಆಕರ್ಷಣೆ ಹೊಂದಿರುತ್ತಾರೆ. ಅವರು ಒಳ್ಳೆಯ ಸ್ವಭಾವದವರಾಗಿದ್ದಾರೆ ಮತ್ತು ಇತರರು ಕೂಡಾ ಇವರನ್ನು ಇಷ್ಟಪಡುತ್ತಾರೆ. ಆದರೆ, ಸೋಮವಾರ ಜನಿಸಿದ ಜನರ ಬದಲಾಗುತ್ತಿರುವ ಆಲೋಚನೆಗಳಿಂದ ಇತರ ಜನರು ಹೆಚ್ಚಾಗಿ ತೊಂದರೆಗೊಳಗಾಗುತ್ತಾರೆ. ಸೋಮವಾರದಂದು ಜನಿಸಿದವರು ತುಂಬಾ ಭಾವುಕರಾಗಿರುತ್ತಾರೆ. ಅನೇಕ ಬಾರಿ ಈ ಜನರು ಯಾವುದೇ ರೀತಿಯ ಹೊಸ ರಿಸ್ಕ್ ತೆಗೆದುಕೊಳ್ಳಲು ಇಷ್ಟಪಡುವುದಿಲ್ಲ.
ಸೋಮವಾರವು ಚಂದ್ರನ ದಿನವಾಗಿದೆ, ಆದ್ದರಿಂದ ಈ ಜನರು ಯಾವಾಗಲೂ ಇತರರನ್ನು ತಮ್ಮ ಕಡೆಗೆ ಆಕರ್ಷಿಸುತ್ತಾರೆ. ಅವರು ಯಾವಾಗಲೂ ಎಲ್ಲರೊಂದಿಗೆ ಸೌಹಾರ್ದಯುತ ಸಂಬಂಧವನ್ನು ನಿರ್ಮಿಸುತ್ತಾರೆ. ಅವರು ಇತರ ಜನರೊಂದಿಗೆ, ವಿಶೇಷವಾಗಿ ಮಹಿಳೆಯರೊಂದಿಗೆ ಬಹಳ ವಿನಮ್ರತೆಯನ್ನು ಹೊಂದಿದ್ದಾರೆ. ಕೆಲವೊಮ್ಮೆ ಸೋಮವಾರ ಜನಿಸಿದ ಜನರು ಇದ್ದಕ್ಕಿದ್ದಂತೆ ನಿರಾಶೆಗೊಳ್ಳುತ್ತಾರೆ. ಅಂತಹ ಜನರು ತಮ್ಮ ತಾಯಂದಿರಿಗೆ ತುಂಬಾ ಹತ್ತಿರವಾಗಿದ್ದಾರೆ.
ಸೋಮವಾರ ಜನಿಸಿದವರು ಸಾಮಾನ್ಯವಾಗಿ ತಮ್ಮ ಮನಸ್ಸಿನಲ್ಲಿ ಬಹಳಷ್ಟು ಪ್ರಶ್ನೆಗಳನ್ನು ಹೊಂದಿರುತ್ತಾರೆ. ಅವರು ಆಗಾಗ್ಗೆ ತಮ್ಮ ಪ್ರಶ್ನೆಗಳಿಗೆ ಉತ್ತರವನ್ನು ಪಡೆಯುವ ಕೆಲಸವನ್ನು ಬಯಸುತ್ತಾರೆ. ಅವರು ಸಾಮಾನ್ಯವಾಗಿ ಜೀವನದಲ್ಲಿ ವಿವಾದಗಳಿಂದ ದೂರವಿರಲು ಬಯಸುತ್ತಾರೆ. ಈ ಜನರು ಸಾಮಾನ್ಯವಾಗಿ ಸೇವೆಯನ್ನು ತಮ್ಮ ಪ್ರಾಥಮಿಕ ಕರ್ತವ್ಯವೆಂದು ಪರಿಗಣಿಸುತ್ತಾರೆ, ಆದ್ದರಿಂದ ಸೋಮವಾರದಂದು ಜನಿಸಿದವರು ನರ್ಸಿಂಗ್ ಉದ್ಯೋಗಗಳು, ಹೋಟೆಲ್ ಉದ್ಯಮ, ಕಲೆ ಮತ್ತು ಶಿಕ್ಷಣಕ್ಕೆ ಸಂಬಂಧಿಸಿದ ವೃತ್ತಿಗಳಿಗೆ ಉತ್ತಮರು. ಅಂದಹಾಗೆ, ಬೆಣ್ಣೆ, ಚೀಸ್, ಹಾಲು ಮುಂತಾದ ಎಲ್ಲಾ ಬಿಳಿ ಬಣ್ಣದ ವಸ್ತುಗಳಿಗೆ ಸಂಬಂಧಿಸಿದ ವ್ಯವಹಾರವು ಈ ಜನರಿಗೆ ಅತ್ಯಂತ ಅನುಕೂಲಕರವಾಗಿ ಉಳಿದಿದೆ.
ಸೋಮವಾರದಂದು ಜನಿಸಿದವರು ಅತ್ಯಂತ ಆಕರ್ಷಕವಾಗಿರುತ್ತಾರೆ. ಅವರ ಕಣ್ಣುಗಳು ತಮ್ಮ ಹೃದಯದ ಬಗ್ಗೆ ಬಹಳಷ್ಟು ಮಾತನಾಡುತ್ತವೆ ಮತ್ತು ವ್ಯಕ್ತಪಡಿಸುತ್ತವೆ. ಅಂತಹ ಜನರು ತುಂಬಾ ಭಾವನಾತ್ಮಕರು ಮತ್ತು ಅವರ ಸುತ್ತಲಿರುವ ಪ್ರತಿಯೊಬ್ಬರನ್ನು ಪ್ರೀತಿಸುತ್ತಾರೆ. ತಮ್ಮ ಸಂಗಾತಿಯು ಅವರೊಂದಿಗೆ ಕೋಪಗೊಂಡಾಗ ಮತ್ತು ಅವರನ್ನು ನಿಭಾಯಿಸಲು ಕಷ್ಟವಾದಾಗ ಅವರ ಮನಸ್ಸು ಮುರಿದು ಹೋಗುತ್ತಾರೆ, ನಿರಾಶೆ ಅನುಭವಿಸುತ್ತಾರೆ.
ಸೋಮವಾರದಂದು ಜನಿಸಿದ ಜನರು ಸಾಮಾನ್ಯವಾಗಿ ಮೂಡಿ ಸ್ವಭಾವವನ್ನು ಹೊಂದಿರುತ್ತಾರೆ ಮತ್ತು ಅವರ ಮನಸ್ಸು ನಿರಂತರವಾಗಿ ಬದಲಾಗುತ್ತಿರುತ್ತದೆ. ಅವರು ತುಂಬಾ ಅಭಿವ್ಯಕ್ತರಾಗಿದ್ದಾರೆ ಮತ್ತು ಅವರು ತಮ್ಮ ಸಂಗಾತಿಯನ್ನು ಎಷ್ಟು ಪ್ರೀತಿಸುತ್ತಾರೆ ಎಂಬುದರ ಕುರಿತು ಮನವರಿಕೆ ಮಾಡುವುದು ಸುಲಭ. ಆದರೆ, ಸೋಮವಾರದಂದು ಜನಿಸಿದ ಜನರಿಗೆ ಯಶಸ್ವಿ ಪ್ರೀತಿ ಅಥವಾ ವೈವಾಹಿಕ ಜೀವನ ನಡೆಸಬೆಕಾದರೆ ಇರುವ ಏಕೈಕ ಮಾರ್ಗವೆಂದರೆ ಅವರ ಚಂಚಲತೆಗೆ ವಿಶ್ರಾಂತಿ ನೀಡುವುದು.
ಸೋಮವಾರದಂದು ಜನಿಸಿದವರು ಭಾವನಾತ್ಮಕವಾಗಿ ತುಂಬಾ ದುರ್ಬಲರು. ದೊಡ್ಡ ವಿಷಯವೆಂದರೆ ಅವರು ನಿಯಮಿತವಾಗಿ ಮನೋಸ್ಥಿತಿ ಬದಲಾವಣೆಗೊಳಗಾಗುವ ಸಮಸ್ಯೆಯನ್ನು ಎದುರಿಸುತ್ತಾರೆ. ಈ ಜನರು ಒಂದು ಸಮಯದಲ್ಲಿ ತುಂಬಾ ಉತ್ಸಾಹ ಮತ್ತು ಚೈತನ್ಯವನ್ನು ಅನುಭವಿಸುತ್ತಾರೆ ಆದರೆ ಮುಂದಿನ ಕ್ಷಣದಲ್ಲಿ ಗಂಭೀರವಾಗಿ ಯೋಚಿಸುತ್ತಾರೆ. ಕೆಲವೊಮ್ಮೆ ಅವರು ಇದ್ದಕ್ಕಿದ್ದಂತೆ ಅಳಲು ಪ್ರಾರಂಭಿಸುತ್ತಾರೆ. ಹೀಗಾಗಿ, ಆಗಾಗ್ಗೆ ಮನಸ್ಥಿತಿ ಬದಲಾವಣೆಗಳು ಅವರ ಕೆಲಸದ ಜೀವನದ ಮೇಲೂ ಪರಿಣಾಮ ಬೀರುತ್ತವೆ. ಅವರು ಆಗಾಗ್ಗೆ ಶೀತ ಮತ್ತು ಜ್ವರದ ಸಮಸ್ಯೆಯನ್ನು ಹೊಂದಿರುತ್ತಾರೆ. ಸೋಮವಾರ ಜನಿಸಿದವರು ಬೇಸಿಗೆಯಲ್ಲಿ ಬೇಗನೆ ನಿರ್ಜಲೀಕರಣಕ್ಕೆ ಒಳಗಾಗುತ್ತಾರೆ.
ಸೋಮವಾರದಂದು ಜನಿಸಿದ ಜನರು ಚಂದ್ರನಿಂದ ಪ್ರಭಾವಿತರಾಗುತ್ತಾರೆ. ಜ್ಯೋತಿಷ್ಯ ಶಾಸ್ತ್ರದಲ್ಲಿ ಚಂದ್ರನನ್ನು ಬಿಳಿ ಬಣ್ಣದ ಅಧಿಪತಿ ಎಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ ಸೋಮವಾರದಂದು ಜನಿಸಿದವರ ಅದೃಷ್ಟದ ಬಣ್ಣ ಬಿಳಿ ಎಂದು ಹೇಳಬಹುದು. ಆದ್ದರಿಂದ, ನೀವು ಯಾವುದೇ ವಿಶೇಷ ಕೆಲಸಕ್ಕೆ ಹೋಗುವಾಗ ಬಿಳಿ ಬಟ್ಟೆಗಳನ್ನು ಧರಿಸಲು ಪ್ರಯತ್ನಿಸಬೇಕು.
ಸೋಮವಾರ ಜನಿಸಿದವರಿಗೆ ಕೆಲವು ಪರಿಹಾರಗಳು
ನಿಮ್ಮ ಚಿತ್ತಸ್ಥಿತಿಯನ್ನು ತಪ್ಪಿಸಲು ನೀವು ಧ್ಯಾನವನ್ನು ಮಾಡಬೇಕು.
- ನಕಾರಾತ್ಮಕ ಆಲೋಚನೆಗಳು ಬಂದಾಗಲೆಲ್ಲಾ, ನೀವು ನಿಮ್ಮ ಮನಸ್ಸನ್ನು ಬೇರೆಡೆಗೆ ತಿರುಗಿಸಲು ಪ್ರಯತ್ನಿಸಬೇಕು ಮತ್ತು ತಕ್ಷಣವೇ ಆ ಆಲೋಚನೆಯಿಂದ ನಿಮ್ಮನ್ನು ಹೊರಬರುವಂತೆ ಮಾಡಬೇಕು.
- ಪ್ರತಿದಿನ ಶಿವನ ದೇವಸ್ಥಾನಕ್ಕೆ ಹೋಗಿ ಶಿವಲಿಂಗಕ್ಕೆ ಜಲಾಭಿಷೇಕವನ್ನು ಮಾಡುವುದರಿಂದ ನಿಮ್ಮ ಅದೃಷ್ಟವನ್ನು ಬಲಪಡಿಸಬಹುದು.
- ಉತ್ತಮ ಆರೋಗ್ಯಕ್ಕಾಗಿ ನೀವು ಬೇಸಿಗೆ ಕಾಲದಲ್ಲಿ ಮಣ್ಣಿನ ಪಾತ್ರೆಯಿಂದ ನೀರನ್ನು ಕುಡಿಯಬೇಕು.
- ಸೋಮವಾರದಂದು ಜನಿಸಿದವರು ಸೋಮವಾರ ಒಂದು ಹೊತ್ತಿನ ಊಟದ ಉಪವಾಸವನ್ನು ಆಚರಿಸಬೇಕು.