ಬದುಕಿನಲ್ಲಿ ಬಣ್ಣಗಳು ಎಷ್ಟೆಲ್ಲಾ ಮಹತ್ವ ಪಡೆದಿದೆ. ಅವು ಮನುಷ್ಯನ ಜೀವನದ ಪ್ರಮುಖ ಗುರುತುಗಳೂ ಹೌದು. ಪ್ರತಿಯೊಬ್ಬರಿಗೂ ಒಂದು ಬಣ್ಣ ಇಷ್ಟ. ಕೆಲವರಿಗೆ ತಿಳಿ ಬಣ್ಣ ಇಷ್ಟವಾದರೆ, ಕೆಲವರಿಗೆ ಗಡಸು ಬಣ್ಣ ಎಂದರೆ ಪ್ರಾಣ. ಅಂದಹಾಗೆ ವಾಸ್ತುವಿಗೂ ಬಣ್ಣಕ್ಕೂ ನಂಟಿದೆ ಎಂದರೆ ನೀವು ನಂಬಲೇ ಬೇಕು. ನಿಮ್ಮ ಮನೆಯಲ್ಲಿ ಯಾವ ಬಣ್ಣ ಬಳಸಬೇಕು. ಯಾವ ಬಣ್ಣ ನಿಮ್ಮ ಬದುಕಿನಲ್ಲಿ ಬದಲಾವಣೆ ತರುತ್ತವೆ ಎಂಬುದನ್ನು ಈ ಲೇಖನದಲ್ಲಿ ತಿಳಿಯೋಣ.
ಮಲಗುವ ಕೋಣೆಯು ಈ ಬಣ್ಣದ್ದಾಗಿರಲಿ
ಬಣ್ಣಗಳು ಧನಾತ್ಮಕ ಹಾಗೂ ಋಣಾತ್ಮಕ ಶಕ್ತಿಗಳ ವಾಹಕಗಳು. ವಾಸ್ತುಗೆ ಅನುಗುಣವಾಗಿ ಬಣ್ಣವನ್ನು ಹೊಡೆಸಿದರೆ ನಿಮ್ಮ ಬದುಕು ಸುಂದರವಾಗಿರತ್ತದೆ. ಮನೆಯ ಮಲಗುವ ಕೋಣೆ ಅಥವಾ ಬೆಡ್‌ರೂಮ್‌ ಗೋಡೆಗಳು ನೀಲಿ ಬಣ್ಣದ್ದಾಗಿರಬೇಕು. ಈ ಬಣ್ಣವು ವ್ಯಕ್ತಿಯನ್ನು ಸಂತೋಷ ಮತ್ತು ಆರೋಗ್ಯಕರವಾಗಿಸುತ್ತದೆ.
ಅತಿಥಿಗಳ ಕೋಣೆಯ ಬಣ್ಣ ಯಾವುದಿರಬೇಕು?
ವಾಸ್ತು ಶಾಸ್ತ್ರದ ಪ್ರಕಾರ ಅತಿಥಿ ಕೋಣೆಯಲ್ಲಿ ಯಾವಾಗಲೂ ಬಿಳಿ ಬಣ್ಣದ್ದಾಗಿರಬೇಕು. ಈ ಬಣ್ಣವು ಪರಿಶುದ್ಧತೆ, ಕಲಿಕೆ ಮತ್ತು ಶಾಂತಿಯ ಸಂಕೇತವೆಂದು ಪರಿಗಣಿಸಲಾಗಿದೆ. ಈ ಬಣ್ಣವು ಮನುಷ್ಯನ ಮನಸ್ಸನ್ನು ಶಾಂತವಾಗಿಡುತ್ತದೆ ಎಂದು ಹೇಳಲಾಗಿದೆ. ಯೋಚಿಸುವ ಮತ್ತು ಉತ್ಪಾದಕ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ.
ಕಿತ್ತಳೆ ಬಣ್ಣದಿಂದ ಈ ಪ್ರಯೋಜನ
ಆಹಾರ ತಿನ್ನುವು ಬಿಡುವುದು ಹೊಟ್ಟೆಯಷ್ಟೇ ಅಲ್ಲ ಮನಸ್ಸಿಗೆ ಸಂಬಂಧಿಸಿದ ವಿಷಯವೂ ಹೌದು. ಅಡುಗೆ ಮನೆಯ ಗೋಡೆಗಳು ಕಿತ್ತಳೆ ಬಣ್ಣದ್ದಾಗಿದ್ದರೆ ಮನಸ್ಸು ಸಂತೋಷವಾಗಿರುತ್ತದೆ. ವಾಸ್ತು ಶಾಸ್ತ್ರದ ಪ್ರಕಾರ ಅಡುಗೆ ಮನೆಯ ಬಣ್ಣ ಕಿತ್ತಳೆ ಅಥವಾ ಕೆಂಪು ಬಣ್ಣದ್ದಾಗಿರಬೇಕು. ಇದರಿಂದ ನಿಮಗೆ ಅಡುಗೆ ಮನೆಯಿಂದ ಸಂತೋಷ ಸಿಗುತ್ತದೆ.
ಈ ಬಣ್ಣದಿಂದ ಧನಾತ್ಮಕ ಶಕ್ತಿ ಪ್ರಾಪ್ತಿ
ವಾಸ್ತು ಶಾಸ್ತ್ರದ ಪ್ರಕಾರ, ಸ್ನಾನದ ಮನೆಯು ಮನೆಯ ಮುಖ್ಯ ಭಾಗವಾಗಿದೆ. ಅದನ್ನು ನಿರ್ಲಕ್ಷಿಸಿದರೆ ನಕಾರಾತ್ಮಕ ಶಕ್ತಿಗಳು ಪ್ರಾಬಲ್ಯ ಸಾಧಿಸುತ್ತವೆ. ಸ್ನಾನದ ಮನೆಯು ಋಣಾತ್ಮಕ ಶಕ್ತಿಯ ಪ್ರತಿರೂಪವಾಗಿರುವ ಕಾರಣ ಕೋಣೆಯ ಬಾಗಿಲನ್ನು ಯಾವಾಗಲೂ ಹೆಚ್ಚು ತೆರೆಯುವುದಿಲ್ಲ. ಸ್ನಾನದ ಮನೆಯಲ್ಲಿ ಧನಾತ್ಮಕ ಶಕ್ತಿ ಇರಬೇಕೆಂದರೆ ಆ ಕೋಣೆಯ ಗೋಡೆಗಳು ಬಿಳಿಯಾಗಿರಬೇಕು. ಸ್ನಾನದ ಮನೆಯುಲ್ಲಿ ಹೆಂಚು ಬಳಸಿದ್ದರೆ. ಅದಕ್ಕೂ ಬಿಳಿ ಬಣ್ಣ ಹೊಡೆಯಿರಿ.
ಈ ಬಣ್ಣ ಸಂತೋಷ, ಸಕಾರಾತ್ಮಕತೆ ತರುತ್ತದೆ
ಮನೆಯ ಹಾಲ್‌ನಲ್ಲಿ ಕುಟುಂಬದವರು ಒಟ್ಟಿಗೆ ಕುಳಿತು ಕಾಳ ಕಳೆಯುವ ಸ್ಥಳವಾಗಿದೆ. ಹಾಗಾಗಿ ಹಾಲ್‌ನಲ್ಲಿ ಧನಾತ್ಮಕ ಶಕ್ತಿ ಇರಲೇಬೇಕು. ಹಾಗಾಗಿ ಮನೆಯ ಹಾಲ್‌ಗೆ ಹಳದಿ ಬಣ್ಣ ಹೊಡೆಸಬೇಕು ಎಂದು ವಾಸ್ತು ಶಾಸ್ತ್ರವು ಹೇಳುತ್ತದೆ. ಇದು ಸಂತೋಷ, ಖುಷಿ ನೀಡುವ ಬಣ್ಣ ಎಂದು ಪರಿಗಣಿಸಲಾಗಿದೆ. ಹಳದಿ ಬಣ್ಣವನ್ನು ಅದೇ ಕಾರಣದಿಂದ ಪೂಜೆಯಲ್ಲಿ ಬಳಸಲಾಗುತ್ತದೆ.