ಈ ದ್ವಿದಳ ಧಾನ್ಯವನ್ನು ನಿಯಮಿತವಾಗಿ ಸೇವಿಸುವುದರಿಂದ ಒಟ್ಟು ಮತ್ತು ಎಲ್ ಡಿ ಎಲ್ (ಕೆಟ್ಟ) ಕೊಲೆಸ್ಟ್ರಾಲ್ ಮಟ್ಟಗಳು ಕಡಿಮೆಯಾಗುತ್ತವೆ, ಈ ಕೊಲೆಸ್ಟ್ರಾಲ್ ಹೃದಯ ರೋಗಗಳನ್ನು ಉಂಟುಮಾಡುತ್ತವೆ.
ಅಲಸಂದೆಕಾಳನ್ನು ಆಹಾರದಲ್ಲಿ ಏಕೆ ಸೇರಿಸಬೇಕು–ಇದು ಆಫ್ರಿಕಾ ಮತ್ತು ಏಷ್ಯಾದ ಉಷ್ಣವಲಯದಲ್ಲಿ ಬೆಳೆಯುವ ಬೆಳೆಯಾಗಿದ್ದು, ಇದನ್ನು ಅತ್ಯಂತ ಒಣನೆಲದಲ್ಲೂ ಬೆಳೆಯಬಹುದು! ಇದರ ಆರೋಗ್ಯ ಪ್ರಯೋಜನಗಳು ಅನೇಕ. ಇದನ್ನು ಲೋಬಿಯಾ ಎಂದು ಹಿಂದಿಯಲ್ಲಿ ಕರೆಯಲಾಗುತ್ತದೆ, ಈ ಅಲಸಂದೆ ಹೆಚ್ಚು ಪೌಷ್ಟಿಕಾಂಶಯುಕ್ತವಾಗಿದ್ದು, ರುಚಿಯೂ ಅದ್ಭುತ!
ಅಲಸಂದೆ ಪ್ರೋಟೀನ್ ನಿಂದ ಸಮೃದ್ಧವಾಗಿದ್ದು, 100 ಗ್ರಾಂ ಸರ್ವಿಂಗ್ ನಲ್ಲಿ 25 ಗ್ರಾಂ ಪ್ರೋಟೀನ್ ಇರುತ್ತದೆ! ಇದರೊಂದಿಗೆ, ಇವು ಶಕ್ತಿ ಮತ್ತು ಸಂಕೀರ್ಣ ಕಾರ್ಬೋಹೈಡ್ರೇಟ್ ನ ಅತ್ಯುತ್ತಮ ಮೂಲವಾಗಿದ್ದು, ಕರುಳಿನ ಆರೋಗ್ಯಕ್ಕೆ ಅಗತ್ಯವಾದ ನಾರನ್ನು ಹೊಂದಿದೆ, ಜೊತೆಗೆ ಕಬ್ಬಿಣ, ಮೆಗ್ನೀಷಿಯಂ, ಕ್ಯಾಲ್ಸಿಯಂ ಹಾಗೂ ರಂಜಕವನ್ನೂ ಹೊಂದಿದೆ. ಅಲಸಂದೆ ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿ, ಏಕೆಂದರೆ ಇದು ಥಿಯಾಮಿನ್ ಅಥವಾ ವಿಟಮಿನ್ ಬಿ ಯಿಂದ ಸಮೃದ್ಧವಾಗಿದೆ. ಇದರಲ್ಲಿರುವ ಟ್ರಿಪ್ಟೋಫಾನ್ ನಿಂದ ಪ್ರಾಕೃತಿಕ ಒತ್ತಡ, ಆತಂಕ ಮತ್ತು ನಿದ್ರಾಹೀನತೆ ನಿವಾರಕವಾಗಿದೆ.
ಹೃದಯದ ಆರೋಗ್ಯ ಹೆಚ್ಚಿಸುತ್ತದೆ–ಅಲಸಂದೆಯನ್ನು ಸಮತೋಲನ ಆಹಾರದ ಭಾಗವಾಗಿದ್ದು ಇದು ನಿಮ್ಮ ಹೃದಯದ ಆರೋಗ್ಯಕ್ಕೆ ಅತ್ಯುತ್ತಮವಾಗಿದ್ದು ದೃಢತೆಯನ್ನು ನೀಡುತ್ತದೆ, ಇದು ಹೃದಯ ರೋಗದ ಅನೇಕ ಅಪಾಯದ ಅಂಶಗಳನ್ನು ಕಡಿಮೆ ಮಾಡಲು ನೆರವಾಗುತ್ತದೆ. 10 ಅಧ್ಯಯನಗಳ ಅವಲೋಕನದಲ್ಲಿ, ದ್ವಿದಳ ಧಾನ್ಯವನ್ನು ನಿಯಮಿತವಾಗಿ ಸೇವಿಸುವುದರಿಂದ ಒಟ್ಟು ಮತ್ತು ಎಲ್ ಡಿ ಎಲ್ (ಕೆಟ್ಟ) ಕೊಲೆಸ್ಟ್ರಾಲ್ ಮಟ್ಟಗಳು ಕಡಿಮೆಯಾಗುತ್ತವೆ, ಈ ಕೊಲೆಸ್ಟ್ರಾಲ್ ಹೃದಯ ರೋಗಗಳನ್ನು ಉಂಟುಮಾಡುತ್ತವೆ.
ಅಲಸಂದೆ ಕರಗಬಲ್ಲ ನಾರಿನ ಅದ್ಭುತ ಮೂಲವಾಗಿದ್ದು, ಇದು ಜೀರ್ಣ ಕ್ರಿಯೆಗೆ ಪ್ರಮುಖ ಪೋಷಕಾಂಶವಾಗಿದೆ. ಅಧ್ಯಯನಗಳ ಪ್ರಕಾರ, ಕರಗಬಲ್ಲ ನಾರನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದರಿಂದ, ಅದು ಮಲವಿಸರ್ಜನೆ ನಿಯಮಿತವಾಗುವಂತೆ ಮತ್ತು ಮಲಬದ್ಧತೆ ಇರುವ ವ್ಯಕ್ತಿಗಳಲ್ಲಿ ಮಲವಿಸರ್ಜನೆ ಸರಿಯಾಗಲು ನೆರವಾಗುತ್ತದೆ.
ಇತರ ಸಂಶೋಧನೆಗಳು ಆಮ್ಲ ಮರುಕಳಿಕೆ, ರಕ್ತಸ್ರಾವ ಮತ್ತು ಹೊಟ್ಟೆಯ ಹುಣ್ಣಿನಂತಹ ಇತರ ಜೀರ್ಣ ಸಂಬಂಧಿ ಅಸಹಜತೆಗಳನ್ನು ತಡೆಯುವ ನಾರನ್ನು ಅಲಸಂದೆ ಹೊಂದಿದೆ ಎಂದು ರುಜುವಾತು ಮಾಡಿದೆ. ಇದರಲ್ಲಿರುವ ಪ್ರೋಟೀನ್ ಮತ್ತು ಕರಗಬಲ್ಲ ನಾರಿನಿಂದ, ಅಲಸಂದೆಯನ್ನು ನಿಮ್ಮ ಆಹಾರದಲ್ಲಿ ಸೇರಿಸುವುದರಿಂದ ತೂಕನಷ್ಟಕ್ಕೆ ನೆರವಾಗುತ್ತದೆ ಪ್ರೊಟೀನ್, ವಿಶೇಷವಾಗಿ, ಹಸಿವಾಗುವುದನ್ನು ಪ್ರಚೋದಿಸುವ ಘ್ರೆಲಿನ್ ಎನ್ನುವ ಹಾರ್ಮೋನಿನ ಮಟ್ಟವನ್ನು ಕಡಿಮೆ ಮಾಡುವ ಪ್ರೋಟೀನ್ ಹೊಂದಿದೆ.