ಮನೆಯಲ್ಲಿ ಉಪ್ಪಿನಕಾಯಿ ತಯಾರಿಸುವ ವೇಳೆ, ಹಾಗೂ ಬೇಳೆಸಾರು ಮಾಡುವಾಗ ನಮಗೆ ಇಂಗಿನ ನೆನಪಾಗುತ್ತದೆ! ಅದು ಬಿಟ್ಟರೆ ಕೆಲವೊಮ್ಮೆ ಅನಾರೋಗ್ಯ ಆಹಾರಗಳ ಸೇವನೆಯಿಂದ ಗ್ಯಾಸ್ಟ್ರಿಕ್, ಅಸಿಡಿಟಿಯಂತಹ ಸಮಸ್ಯೆಗಳು ಉಂಟಾದಾಗ, ನಮ್ಮ ದೈನಂದಿನ ಆಹಾರ ಪದಾರ್ಥಗಳಲ್ಲಿ ಇಂಗನ್ನು ಬಳಸುತ್ತೇವೆ..
ಯಾಕೆಂದ್ರೆ ಇದರಲ್ಲಿರುವ ಆರೋಗ್ಯಕಾರಿ ಗುಣಲಕ್ಷಣಗಳು ಇಂತಹ ಅನಾರೋಗ್ಯಕಾರಿ ಆರೋಗ್ಯ ಸಮಸ್ಯೆಗಳನ್ನು ದೂರ ಮಾಡುತ್ತೇವೆ. ಆಮೇಲೆ ಇದರ ಬಳಕೆಯನ್ನು ಮರೆತೇ ಬಿಡುತ್ತೇವೆ! ಆದರೆ ನಿಮಗೆ ಈ ವಿಷ್ಯಗಳು ನಿಮಗೆ, ಗೊತ್ತಿರಲಿ, ಚಿಟಿಕೆಯಷ್ಟು ಇಂಗನ್ನು ಪ್ರತಿನಿತ್ಯ, ನಿಮ್ಮ ದೈನಂದಿನ ಆಹಾರಕ್ಕೆ ಸೇರ್ಪಡೆ ಮಾಡುತ್ತಾ ಬಂದರೆ, ನಿಮ್ಮ ದೇಹಾರೋಗ್ಯವನ್ನು ಕಾಪಾಡಬಹುದು, ಮಾತ್ರವಲ್ಲದೆ, ಹಲವಾರು ರೀತಿಯ ಅನಾರೋಗ್ಯ ಸಮಸ್ಯೆಗಳಿಂದ ಕೂಡ ದೂರವಿರಬಹುದು! ಬನ್ನಿ ಇಂದಿನ ಲೇಖನದಲ್ಲಿ ದೈನಂದಿನ ಅಡುಗೆಗಳಲ್ಲಿ ಚಿಟಿಕೆಯಷ್ಟು ಇಂಗು ಬಳಸುವುದರಿಂದ, ಯಾವೆಲ್ಲಾ ರೀತಿಯಲ್ಲಿ ಆರೋಗ್ಯ ಪ್ರಯೋಜನಗಳನ್ನು ಪಡೆಯ ಬಹುದು ಎಂಬುದನ್ನು ನೋಡೋಣ….
ಅಜೀರ್ಣ..ಇತ್ತೀಚಿನ ದಿನಗಳಲ್ಲಿ ಅಜೀರ್ಣ ಸಮಸ್ಯೆ ಎನ್ನುವುದು ಎಲ್ಲರಲ್ಲಿಯೂ ಕಾಮನ್ ಸಮಸ್ಯೆಗಳಾಗ ಬಿಟ್ಟಿದೆ. ಇದಕ್ಕೆಲ್ಲಾ ಕಾರಣಗಳನ್ನು ನೋಡುವುದಾದರೆ ಬದಲಾದ ಜೀವನಶೈಲಿ, ಜಂಕ್ ಫುಡ್ ಹಾಗೂ ಎಣ್ಣೆಯಂಶ ಹೆಚ್ಚಿರುವ ಆಹಾರ ಪದಾರ್ಥಗಳ ಸೇವನೆಯಿಂದಾಗಿ, ಸೇವಿಸಿದ ಆಹಾರ ಪದಾರ್ಥಗಳು ಸರಿಯಾಗಿ ಹೊಟ್ಟೆಯಲ್ಲಿ ಜೀರ್ಣವಾಗದೇ, ಈ ಸಮಸ್ಯೆಗಳು ಮಿತಿ ಮೀರಿ ಹೆಚ್ಚಾಗುತ್ತಿದೆ…
ಹೀಗಾಗಿ ಇಂತಹ ಸಮಸ್ಯೆಯನ್ನು ಹಾಗೂ ಹೊಟ್ಟೆಗೆ ಸಂಬಂಧಿಸಿದ ಇತರ ಅನಾರೋಗ್ಯಕಾರಿ ಸಮಸ್ಯೆಗಳ ನಿವಾರಣೆಗಾಗಿ, ನಿಮ್ಮ ದೈನಂದಿನ ಅಡುಗೆಯಲ್ಲಿ ಚಿಟಿಕೆಯಷ್ಟು ಇಂಗನ್ನು ಬಳಕೆ ಮಾಡಿಕೊಂಡು ಬರುವ ಅಭ್ಯಾಸ ಮಾಡಿಕೊಂಡರೆ, ಉತ್ತಮ ಫಲಿತಾಂಶವನ್ನು ಕಾಣಬಹುದು.
ವಿಶೇಷವಾಗಿ ಇಂಗಿನಲ್ಲಿ ಉರಿಯೂತ ಶಮನಕಾರಿ ಮತ್ತು ಆಂಟಿಆಕ್ಸಿಡೆಂಟ್ ಗುಣಗಳು ಯಥೇಚ್ಛವಾಗಿ ಕಂಡುಬರುವುದರಿಂದ, ಇವು ಕೆಲವೊಂದು ಆಹಾರ ಪದಾರ್ಥಗಳಿಂದ ಕಾಡುವ ಗ್ಯಾಸ್ಟ್ರಿಕ್, ಅಜೀರ್ಣ ಹಾಗೂ ಮಲಬದ್ಧತೆಯಂತಹ ಸಮಸ್ಯೆಗಳನ್ನು ನೈಸರ್ಗಿಕವಾಗಿ ಕಡಿಮೆ ಮಾಡುತ್ತದೆ.
ಸಕ್ಕರೆ ಕಾಯಿಲೆ ಇದ್ದವರಿಗೆ..ಮಧುಮೇಹ ಕಾಯಿಲೆ ಒಮ್ಮೆ ಬಂದರೆ, ಮತ್ತೆ ಆ ಕಾಯಿಲೆಯನ್ನು ಸಂಪೂರ್ಣವಾಗಿ ಹೋಗ ಲಾಡಿಸಲು ಸಾಧ್ಯವೇ ಇಲ್ಲ! ಇದನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬಹುದೇ ವಿನಃ, ಬೇರೆ ಯಾವುದೇ ಮಾರ್ಗವಿಲ್ಲ…ಹೀಗಾಗಿ ಈ ಕಾಯಿಲೆ ನಮ್ಮನ್ನು ಆವರಿಸಿಕೊಳ್ಳುವ ಮೊದಲು ಎಚ್ಚರಿಕೆ ವಹಿಸಿಕೊಂಡರೆ ಬಹಳ ಒಳ್ಳೆಯದು…
ಸಾಮಾನ್ಯವಾಗಿ ಸಕ್ಕರೆ ಕಾಯಿಲೆ ಅಥವಾ ಮಧುಮೇಹದ ಸಮಸ್ಯೆ ಎಂದಾಗ, ರಕ್ತದಲ್ಲಿ ಸಕ್ಕರೆ ಮಟ್ಟ ಏರುಪೇರಾಗುವುದು ಇದ್ದೇ ಇರುತ್ತದೆ. ಹೀಗಾಗಿ ಈ ಸಮಸ್ಯೆಯನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬೇಕು ಎಂದರೆ ಸರಿಯಾದ ಜೀವನಶೈಲಿಯ ಜೊತೆಗೆ, ಆರೋಗ್ಯಕಾರಿ ಆಹಾರಗಳ ಸೇವನೆ ಮಾಡಬೇಕು, ಅಲ್ಲದೆ ಪ್ರತಿನಿತ್ಯದ ಅಡುಗೆಗಳಲ್ಲಿ ಚಿಟಿಕೆಯಷ್ಟು ಇಂಗನ್ನು ಬಳಕೆ ಮಾಡ ಬೇಕು. ಇದರಿಂದಾಗಿ ರಕ್ತದಲ್ಲಿ ಸಕ್ಕರೆಮಟ್ಟ ಹೆಚ್ಚಾಗದಂತೆ, ನಿಯಂತ್ರಣಕ್ಕೆ ಬರುವುದು
ಹೈ ಬಿಪಿ ಸಮಸ್ಯೆ ಇರುವವರು…ಇಂದಿನ ದಿನಗಳಲ್ಲಿ ದೈನಂದಿನ ಅತಿಯಾದ ಒತ್ತಡದ ಜೀವನಶೈಲಿ ಹಾಗೂ ದೈಹಿಕ ವ್ಯಾಯಾಮ ಗಳು ಇಲ್ಲದೇ ಇರುವುದು, ಜೊತೆಗೆ ಅನಾರೋಗ್ಯಕರ ಜೀವನಶೈಲಿಯ ಜೊತೆಗೆ ಸರಿಯಾದ ಆಹಾರ ಸೇವನೆ ಮಾಡದೇ ಇರುವುದರಿಂದ, ಹಲವಾರು ರೀತಿಯ ಆರೋಗ್ಯ ಸಮಸ್ಯೆಗಳು ಕಾಡಲು ಶುರು ವಾಗುತ್ತಿದೆ. ಇದರಲ್ಲಿ ಪ್ರಮುಖ ವಾಗಿ ದೀರ್ಘಕಾಲದವರೆಗೆ ಕಾಡುವ ಕಾಯಿಲೆ ಎಂದರೆ, ಈ ಅಧಿಕ ರಕ್ತದೊತ್ತಡ ಸಮಸ್ಯೆ ಅಥವಾ ಹೈ ಬಿಪಿ ಸಮಸ್ಯೆ!
ಹೀಗಾಗಿ ಈ ಸಮಸ್ಯೆ ಇರುವವರು, ಜಂಕ್ ಫುಡ್ ಹಾಗೂ ಎಣ್ಣೆಯಾಂಶ ಹೆಚ್ಚಿರುವ ಆಹಾರ ಪದಾರ್ಥಗಳ ಸೇವನೆ ಮಾಡುವುದನ್ನು ಬಿಟ್ಟು, ಸರಿಯಾದ ಆರೋಗ್ಯಕಾರಿ ಜೀವನಶೈಲಿಯ ಜೊತೆಗೆ ಆರೋಗ್ಯಕಾರಿ ಆಹಾರಗಳನ್ನು ಸೇವನೆ ಮಾಡುವುದರಿಂದ ಈ ಸಮಸ್ಯೆಯನ್ನು ನಿಯಂತ್ರಿಸಬಹುದು.
ಇನ್ನು ಅಧಿಕ ರಕ್ತದೊತ್ತಡದ ಸಮಸ್ಯೆ ಇರುವವರು, ತಮ್ಮ ದೈನಂದಿನ ಆಹಾರ ಪದಾರ್ಥಗಳಲ್ಲಿ ಇಂಗನ್ನು ಬಳಸಿದರೆ ಒಳ್ಳೆಯದು… ಯಾಕೆಂದರೆ ಇಂಗಿನಲ್ಲಿ ಇರುವಂತಹ ಕೂಮರಿನ್‌ ಎನ್ನುವ ಸಂಯುಕ್ತ ಅಂಶವು ದೇಹದ ರಕ್ತ ಸಂಚಾರದಲ್ಲಿ ಏರುಪೇರಾಗುವುದನ್ನು ತಡೆಯುವುದು ಮಾತ್ರ ವಲ್ಲದೆ, ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶ ಹೆಚ್ಚಾಗದಂತೆ ನೋಡಿ ಕೊಳ್ಳುತ್ತದೆ. ಹೀಗಾಗಿ ಅಧಿಕ ರಕ್ತದೊತ್ತಡದ ಸಮಸ್ಯೆ ಇರುವವರು, ತಮ್ಮ ಪ್ರತಿನಿತ್ಯದ ಅಡುಗೆಯಲ್ಲಿ ಇಂಗನ್ನು ಬಳಸಲು ಮರೆಯಬೇಡಿ!
ನೋವು ನಿವಾರಕವಾಗಿ ಕೆಲಸ ಮಾಡುತ್ತದೆ..ಮೊದಲೇ ಹೇಳಿದಂತೆ, ಇಂಗಿನಲ್ಲಿ ಉರಿಯೂತ ನಿವಾರಕ ಗುಣಲಕ್ಷಣಗಳು ಹೇರಳವಾಗಿ ಕಂಡು ಬರುವುದರಿಂದ, ಕೆಲವೊಂದು ನೋವಿನ ಸಮಸ್ಯೆಯನ್ನು ನೈಸರ್ಗಿಕವಾಗಿ ನಿವಾರಿಸಲು ಸಹಾಯ ಮಾಡುತ್ತದೆ.ಉದಾಹರಣೆಗೆ ನೋಡುವುದಾದರೆ, ಮುಟ್ಟಿನ ಸಮಯದಲ್ಲಿ ಕಾಡುವ ನೋವಿನ ಸಮಸ್ಯೆಗೆ, ಹಲ್ಲು ನೋವಿನ ಸಮಸ್ಯೆಗಳಿದ್ದರೆ, ಮೈಗ್ರೇನ್ ಮತ್ತು ತಲೆನೋವಿನ ನಿವಾರಣೆಗೆ ಇಂಗು ತುಂಬಾ ಸಹಕಾರಿ. ಒಂದು ವೇಳೆ, ನಿಮಗೆ ಮೈಗ್ರೇನ್ ಅಥವಾ ತಲೆ ನೋವಿನ ಸಮಸ್ಯೆ ಜಾಸ್ತಿಯಾಗಿದ್ದರೆ, ಒಂದು ಲೋಟ ಬಿಸಿ ನೀರಿಗೆ, ಚಿಟಿಕೆಯಷ್ಟು ಇಂಗನ್ನು ಬೆರೆಸಿ ಕುಡಿಯುವುದರಿಂದ ಕೂಡಲೇ ನೋವು ಕಮ್ಮಿ ಆಗುವುದು. ಇಲ್ಲಾಂದ್ರ ಹಲ್ಲು ನೋವು ಇದ್ದರೆ ಸ್ವಲ್ ಇಂಗಿಗೆ, ನಿಂಬೆರಸವನ್ನು ಬೆರೆಸಿ, ಹಲ್ಲು ನೋವಿರುವ ಭಾಗಕ್ಕೆ ಇಟ್ಟುಬಿಟ್ಟರೆ , ಕೂಡಲೇ ನೋವು ಕಮ್ಮಿ ಆಗುವುದು.
ಕೆಮ್ಮಿನ ಸಮಸ್ಯೆ ಇದ್ದರೆ…ಒಂದು ಬೌಲ್‌ಗೆ ಅರ್ಧ ಟೀಚಮಚ ಇಂಗು ಪೌಡರ್ ಹಾಕಿಕೊಳ್ಳಿ. ಆಮೇಲೆ ಇದಕ್ಕೆ ಇಷ್ಟೇ ಪ್ರಮಾಣದಲ್ಲಿ ಅಂದರೆ ಅರ್ಧ ಟೀ ಚಮಚ ಆಗುವಷ್ಟು ಒಣ ಶುಂಠಿ ಪುಡಿಯನ್ನು ಮಿಶ್ರಣ ಹಾಕಿಕೊಳ್ಳಿ. ಇನ್ನು ಇದಕ್ಕೆ ಒಂದು ಟೇಬಲ್ ಚಮಚ ಆಗುವಷ್ಟು ಜೇನುತುಪ್ಪವನ್ನು ಬೆರೆಸಿ ಗಟ್ಟಿಯಾದ ಉಂಡೆ ಮಾಡಿ ಇರಿಸಿಕೊಳ್ಳಿ.
ಒಂದು ವೇಳೆ ನಿಮಗೆ ಕೆಮ್ಮಿನ ಸಮಸ್ಯೆ ಜಾಸ್ತಿಯಾಗಿ ಕಾಡುತ್ತಿದ್ದರೆ, ಈಗಾಗಲೇ ಮಾಡಿಟ್ಟುಕೊಂಡಿರುವ ಉಂಡೆಯನ್ನ ಬಾಯಿಯಲ್ಲಿ ಹಾಕಿಕೊಂಡು ಇದರ ರಸವನ್ನು ಹೀರುತ್ತಾ ಬನ್ನಿ! ಹೀಗೆ ದಿನದಲ್ಲಿ ಎರಡು ಮೂರು ಬಾರಿ, ಇಂತಹ ಅಭ್ಯಾಸ ವನ್ನು ಅನುಸರಿಸುತ್ತಾ ಬಂದರೆ, ಗಂಟಲಿನ ಭಾಗದಲ್ಲಿ ಕಟ್ಟಿಕೊಂಡಿರುವ ಕಫ ಸಮಸ್ಯೆ ಕಮ್ಮಿ ಆಗುತ್ತದೆ, ಇದರಿಂದಾಗಿ ಕೆಮ್ಮು ಕೂಡ ನಿಯಂತ್ರಣಕ್ಕೆ ಬರುತ್ತದೆ
ಇಂಗಿನ ಇತರ ಆರೋಗ್ಯ ಪ್ರಯೋಜನಗಳನ್ನು ನೋಡುವುದಾದರೆ…ಒಂದು ವೇಳೆ ಹೊಟ್ಟೆಗೆ ಸಂಬಂಧಪಟ್ಟ ಸಮಸ್ಯೆಗಳು ಉಂಟಾಗಿದ್ದರೆ, ಒಂದು ಲೋಟ ಬಿಸಿ ನೀರಿಗೆ ಅರ್ಧ ಚಮಚ ಇಂಗು ಹಾಕಿಕೊಂಡು ಅದನ್ನು ಚೆನ್ನಾಗಿ ಕಲಸಿಕೊಂಡು ದಿನಕ್ಕೆ ಒಂದು ಬಾರಿ ಕುಡಿಯುವ ಅಭ್ಯಾಸ ಮಾಡಿಕೊಂಡರೆ, ಹೊಟ್ಟೆಗೆ ಸಂಬಂಧಪಟ್ಟ ಸಮಸ್ಯೆಗಳು ಕಮ್ಮಿ ಆಗುತ್ತದೆ.ಮಜ್ಜಿಗೆ ಮಾಡುವಾಗ ಸ್ವಲ್ಪ ಇಂಗನ್ನು ಬೆರೆಸಿ, ಕುಡಿದರೆ ಆರೋಗ್ಯಕ್ಕೂ ಒಳ್ಳೆಯದು, ಜೀರ್ಣಶಕ್ತಿ ಕೂಡ ಹೆಚ್ಚಾಗುತ್ತದೆ.ಚಿಟಿಕೆಯಷ್ಟು ಇಂಗನ್ನು ಪ್ರತಿನಿತ್ಯದ ಅಡುಗೆಗಳಲ್ಲಿ ಬಳಸುತ್ತಾ ಬಂದರೆ, ಅದರಿಂದ ಅಡುಗೆಯ ರುಚಿ ಹಾಗೂ ಸುವಾಸನೆಯು ಹೆಚ್ಚಾಗುವುದು