ಹಬ್ಬ ಹರಿದಿನಗಳು ಬಂದರೆ ಸಬ್ಬಕ್ಕಿ ಕಾಳುಗಳಿಗೆ ಎಲ್ಲಿಲ್ಲದ ವಿಶೇಷತೆ ಬಂದು ಬಿಡುತ್ತದೆ. ಏಕೆಂದರೆ ನಾವು ತಯಾರು ಮಾಡುವ ಪ್ರತಿಯೊಂದು ಸಿಹಿ ಪಾಯಸ, ಕಿಚಡಿ ಇತ್ಯಾದಿಗಳಲ್ಲಿ ಸಬ್ಬಕ್ಕಿ ಕಾಳುಗಳ ಬಳಕೆ ಹೇರಳವಾಗಿ ನಡೆಯುತ್ತದೆ. ಸಬ್ಬಕ್ಕಿ ಕಾಳುಗಳನ್ನು ಬಳಕೆ ಮಾಡಿ ತಯಾರು ಮಾಡಿದ ಅಡುಗೆ ಪದಾರ್ಥಗಳು ಸಾಕಷ್ಟು ಆರೋಗ್ಯಕರ ಮತ್ತು ರುಚಿಕರ ವಾಗಿರುತ್ತವೆ.ಬಹಳಷ್ಟು ಜನರಿಗೆ ಈಗಲೂ ಕೂಡ ಸಬ್ಬಕ್ಕಿ ಕಾಳುಗಳು ನಾವು ಅನ್ನದ ಆಹಾರ ಸೇವನೆ ಮಾಡುವ ಹಾಗೆ ಎಂದು ಸಂಶೋಧನೆಗಳು ಹೇಳುತ್ತವೆ.
ಸಬ್ಬಕ್ಕಿ ಕಾಳುಗಳಲ್ಲಿ ಕಂಡು ಬರುವ ಪೌಷ್ಟಿಕಾಂಶಗಳು—ಮೊಟ್ಟ ಮೊದಲನೆಯದಾಗಿ ಸಬಕ್ಕಿ ಕಾಳುಗಳಲ್ಲಿ ಹೆಚ್ಚಿನ ಪ್ರಮಾಣದ ಕ್ಯಾಲೊರಿಗಳು ಸ್ಟಾರ್ಚ್ ಅಂಶದಿಂದ ರೂಪುಗೊಂಡಿರುತ್ತವೆ. ಸ್ಟಾರ್ಚ್ ಅಂಶಗಳು ಗ್ಲುಕೋಸ್ ಅಂಶದ ಗುಂಪಿನಿಂದ ಮಾಡಲ್ಪಟ್ಟ ಸಂಕೀರ್ಣ ಕಾರ್ಬೋಹೈಡ್ರೇಟ್ ಅಂಶಗಳಾಗಿವೆ.ತುಂಬಾ ಕಡಿಮೆ ಪ್ರಮಾಣದಲ್ಲಿ ಪ್ರೋಟಿನ್ ಮತ್ತು ವಿಟಮಿನ್ ಅಂಶಗಳು ಇದರಲ್ಲಿ ಇರುವುದರಿಂದ ನಿಮ್ಮ ದೇಹದ ತೂಕ ಕಡಿಮೆ ಮಾಡಿಕೊಳ್ಳಲು ಇವು ಅತ್ಯಂತ ಪರಿಣಾಮಕಾರಿ ಆಹಾರಗಳು ಎಂದು ತೋರುತ್ತವೆ.
ಸಬ್ಬಕ್ಕಿ ಕಾಳುಗಳ ಇನ್ನೊಂದು ವಿಶೇಷವಾದ ಗುಣ ಎಂದರೆ ಇವುಗಳು ಗ್ಲುಟೆನ್ ಅಂಶ ಮುಕ್ತವಾಗಿದ್ದು ಗೋಧಿ ಹಿಟ್ಟಿನ ಚಪಾತಿ ಅಥವಾ ಗೋಧಿ ಹಿಟ್ಟಿನಿಂದ ತಯಾರು ಮಾಡಿದ ಯಾವುದೇ ಆಹಾರಗಳನ್ನು ತಿನ್ನುವುದಿಲ್ಲ ಎನ್ನುವವರು ಸುಲಭವಾಗಿ ಸಬ್ಬಕ್ಕಿಯಿಂದ ಮಾಡಲ್ಪಟ್ಟ ಆಹಾರಗಳಿಗೆ ಬದಲಾಗಬಹುದು.
ಸಬ್ಬಕ್ಕಿ ಕಾಳುಗಳಲ್ಲಿ ಅತ್ಯಂತ ಕಡಿಮೆ ಪ್ರಮಾಣದ ಪೌಷ್ಟಿಕಾಂಶಗಳು ಬೇರೆ ಬಗೆಯ ಧಾನ್ಯಗಳಿಗೆ ಹೋಲಿಸಿದರೆ ಸಿಗುತ್ತವೆ. ನಾರಿನ ಅಂಶ ಹೆಚ್ಚಾಗಿರುವ ಹಣ್ಣು ಮತ್ತು ತರಕಾರಿಗಳೊಂದಿಗೆ ಸಬಕ್ಕಿ ಕಾಳುಗಳನ್ನು ಮಿಶ್ರಣ ಮಾಡಿ ಸೇವನೆ ಮಾಡಿದರೆ ಅತ್ಯುತ್ತಮ ಆರೋಗ್ಯ ಪ್ರಯೋಜನಗಳು ನಿಮ್ಮದಾಗಲಿವೆ.
ಸಬ್ಬಕ್ಕಿಯ ಆರೋಗ್ಯ ಪ್ರಯೋಜನಗಳು ಮತ್ತು 5 ಬಗೆಯ ರೆಸಿಪಿಗಳು
ದೈಹಿಕ ಕಾರ್ಯಕ್ಷಮತೆ ಹೆಚ್ಚಾಗಲಿದೆ–ಪ್ರತಿ ದಿನವೂ ನಾವು ಚುರುಕಾಗಿ ನಮ್ಮ ಎಲ್ಲಾ ಕೆಲಸ ಕಾರ್ಯಗಳನ್ನು ಸಮಯಕ್ಕೆ ಸರಿಯಾಗಿ ಮಾಡಿ ಮುಗಿಸಬೇಕು ಎಂದುಕೊಂಡಿರುತ್ತೇವೆ.ಆದರೆ ಮಧ್ಯದಲ್ಲಿ ಎದುರಾಗುವ ದೈಹಿಕ ಆಲಸ್ಯ ಮತ್ತು ನಿದ್ರೆಯ ಮಂಪರು ಅಂದು ಮಾಡಬೇಕಾಗಿದ್ದ ನಮ್ಮ ಕೆಲಸ ಕಾರ್ಯಗಳನ್ನು ಬೇರೆ ದಿನಕ್ಕೆ ಮುಂದೂಡುವಂತೆ ಮಾಡುತ್ತದೆ.ನಮ್ಮ ದೇಹದಲ್ಲಿ ಕಾರ್ಬೋಹೈಡ್ರೆಟ್ ಅಂಶ ಸರಿಯಾದ ಪ್ರಮಾಣದಲ್ಲಿದ್ದು ನಮಗೆ ಸರಿಯಾದ ಸಮಯಕ್ಕೆ ಶಕ್ತಿಯನ್ನು ಒದಗಿಸಿದರೆ ನಮ್ಮ ದೈಹಿಕ ಕಾರ್ಯಕ್ಷಮತೆ ಕೂಡ ಹೆಚ್ಚಾಗಿರುತ್ತದೆ.ಸಂಶೋಧನೆ ಹೇಳುವ ಹಾಗೆ ಕಾರ್ಬೋಹೈಡ್ರೇಟ್ ಅಂಶಗಳು ಹೆಚ್ಚಾಗಿ ನಮ್ಮ ಆಹಾರದಲ್ಲಿ ಸೇರಿದ್ದರೆ ವ್ಯಾಯಾಮ ಮಾಡಿದ ನಂತರ ನಮ್ಮ ಮಾಂಸ – ಖಂಡಗಳ ಹಾನಿ ತಪ್ಪುತ್ತದೆ.
ದೈಹಿಕವಾಗಿ ಸದೃಢವಾಗಬಹುದು–ನಮ್ಮ ದೇಹದ ತೂಕವನ್ನು ಹೇಗಾದರೂ ಮಾಡಿ ಸ್ವಲ್ಪ ಹೆಚ್ಚು ಮಾಡಿಕೊಳ್ಳಬೇಕು ಎಂದು ನೀವು ಅಂದುಕೊಂಡಿದ್ದರೆ ನಿಮ್ಮ ಆಹಾರ ಪದ್ಧತಿಯಲ್ಲಿ ಸಬ್ಬಕ್ಕಿಯನ್ನು ಪ್ರತಿ ದಿನ ಸೇರಿಸಿ ಸೇವನೆ ಮಾಡುವುದು ಒಳ್ಳೆಯದು.ಏಕೆಂದರೆ ಅಪಾರ ಪ್ರಮಾಣದ ಕಾರ್ಬೋಹೈಡ್ರೇಟ್ ಅಂಶಗಳು ಇದರಲ್ಲಿರುವ ಕಾರಣದಿಂದ ನಿಮ್ಮ ದೇಹದ ಒಳಗಿನ ಅಂಗಾಂಗಗಳ ಬಲವರ್ಧನೆಗೆ ಮತ್ತು ದೇಹದಲ್ಲಿ ಮಾಂಸ – ಖಂಡಗಳ ಅಭಿವೃದ್ಧಿಗೆ ಸಹಕಾರಿ ಆಗುವಂತೆ ಬೇಕಾದ ಒಳ್ಳೆಯ ಕೊಬ್ಬಿನ ಅಂಶದ ಪ್ರಮಾಣವನ್ನು ಇದು ಒದಗಿಸುತ್ತದೆ.ಸಂಪೂರ್ಣ ದೇಹದ ಎಲ್ಲಾ ಅಂಗಾಂಗಗಳಿಗೆ ಸರಿಯಾದ ಪ್ರಮಾಣದಲ್ಲಿ ಪೌಷ್ಠಿಕ ಸತ್ವಗಳು ಹೋಗಿ ಸೇರಿಕೊಳ್ಳುವಂತೆ ಇದು ನೆರವು ಮಾಡಿಕೊಡುವುದರಿಂದ ಈಗಾಗಲೇ ದೇಹದ ತೂಕ ತುಂಬಾ ಕಡಿಮೆ ಹೊಂದಿರುವವರು ಸಬ್ಬಕ್ಕಿಯನ್ನು ಒಮ್ಮೆ ಟ್ರೈ ಮಾಡಿ ನೋಡಬಹುದು.
ಮಗುವಿನ ಬೆಳವಣಿಗೆಗೆ ತುಂಬಾ ಸಹಕಾರಿ–ಗರ್ಭಿಣಿ ಮಹಿಳೆಯರು ತಮ್ಮ ಗರ್ಭಾವಸ್ಥೆಯ ದಿನಗಳಲ್ಲಿ ಹೆಚ್ಚು ಪೌಷ್ಟಿಕಾಂಶಗಳನ್ನು ಒಳಗೊಂಡ ಆಹಾರಗಳನ್ನು ಸೇವನೆ ಮಾಡಿದರೆ ತಮ್ಮ ಹಾಗೂ ತಮ್ಮ ಮಗುವಿನ ಆರೋಗ್ಯದಲ್ಲಿ ಸಾಕಷ್ಟು ಚೇತರಿಕೆ ಕಂಡು ಬರುತ್ತದೆ.ಸಬ್ಬಕ್ಕಿ ಕಾಳುಗಳು ಇದರಲ್ಲಿ ನಿಮಗೆ ಸಹಕಾರಿ. ಏಕೆಂದರೆ ಸಬ್ಬಕ್ಕಿ ಕಾಳುಗಳಲ್ಲಿ ವಿಟಮಿನ್ ‘ ಬಿ6 ‘ ಮತ್ತು ಫೋಲೆಟ್ ಅಂಶ ಹೆಚ್ಚಾಗಿರುವುದರಿಂದ ನಿಮ್ಮ ಗರ್ಭ ಕೋಶದಲ್ಲಿ ಬೆಳವಣಿಗೆ ಯಾಗುತ್ತಿರುವ ಭ್ರೂಣದ ಅಭಿವೃದ್ಧಿಯಲ್ಲಿ ಹೆಚ್ಚಿನ ಪಾತ್ರ ವಹಿಸುತ್ತದೆ. ಮುಖ್ಯವಾಗಿ ಮಗುವಿನ ನರಮಂಡಲದ ಅಭಿವೃದ್ಧಿಯಲ್ಲಿ ಇದು ನೆರವಾಗುತ್ತದೆ ಎಂದು ಹೇಳಬಹುದು.
ಜೀರ್ಣಕ್ರಿಯೆಯಲ್ಲಿ ಸಹಕಾರಿ–ಉಪವಾಸ ಮಾಡುವ ಸಂದರ್ಭದಲ್ಲಿ ಸಾಧಾರಣವಾಗಿ ಸಬ್ಬಕ್ಕಿ ಕಾಳುಗಳ ಸೇವನೆ ಮಾಡುತ್ತಾರೆ. ಏಕೆಂದರೆ ದೇಹದ ಜೀರ್ಣ ವ್ಯವಸ್ಥೆ ಹಾಳಾಗದಿರಲಿ ಎಂದು.ಇದರಲ್ಲಿರುವ ಸ್ಟಾರ್ಚ್ ಅಂಶ ಹೊಟ್ಟೆಯಲ್ಲಿ ಜೀರ್ಣವಾಗದೆ ಹಾಗೆ ಉಳಿದಿರುವ ಆಹಾರವನ್ನು ಕರುಳಿನವರೆಗೂ ತಲುಪಿಸಿ ಆರೋಗ್ಯಕರವಾದ ಕರುಳಿನ ಬ್ಯಾಕ್ಟೀರಿಯಾಗಳು ಬೆಳವಣಿಗೆ ಆಗುವಂತೆ ನೋಡಿಕೊಳ್ಳುತ್ತದೆ. ಮಲಬದ್ಧತೆಯ ಸಮಸ್ಯೆ ಇದರಿಂದ ನಿವಾರಣೆ ಆಗುತ್ತದೆ ಎಂದು ಹೇಳಬಹುದು.ಜೀರ್ಣಕ್ರಿಯೆ ಸರಿಯಾಗಿ ಆಗದಿರುವುದಕ್ಕೆ, ಈ 10 ಬಗೆಯ ಆಹಾರಗಳೇ ಕಾರಣ!
ಫ್ರೀ – ರಾಡಿಕಲ್ ಗಳ ಹಾನಿಯನ್ನು ತಪ್ಪಿಸಬಹುದು–ಸಬ್ಬಕ್ಕಿ ಕಾಳುಗಳಲ್ಲಿ ಆಂಟಿ – ಆಕ್ಸಿಡೆಂಟ್ ಅಂಶಗಳು ಸಾಕಷ್ಟಿರುವ ಕಾರಣ ದೇಹದಲ್ಲಿ ಕಾಯಿಲೆಯನ್ನು ಉಂಟು ಮಾಡುವ ಫ್ರೀ ರಾಡಿಕಲ್ ಗಳ ವಿರುದ್ಧ ಹೊರಡುವಂತಹ ಶಕ್ತಿ ಇದರಲ್ಲಿದೆ.ಮಿತ ಪ್ರಮಾಣವನ್ನು ಬಿಟ್ಟು ಫ್ರೀ – ರಾಡಿಕಲ್ ಗಳು ಅತಿಯಾಗಿ ಹೆಚ್ಚಾದರೆ ದೇಹದಲ್ಲಿ ಕ್ಯಾನ್ಸರ್ ಮತ್ತು ಕಾರ್ಡಿಯೋ ವ್ಯಾಸ್ಕುಲರ್ ಸಮಸ್ಯೆಗಳು ಕಂಡು ಬರುತ್ತವೆ.ಇನ್ನೊಂದು ವಿಶೇಷತೆ ಎಂದರೆ ಸಬ್ಬಕ್ಕಿ ಕಾಳುಗಳಲ್ಲಿ ಟ್ಯಾನಿನ್ ಮತ್ತು ಫ್ಲೇವನಾಯ್ಡ್ ಎಂಬ ಪಾಲಿಫಿನಾಲ್ ಅಂಶಗಳು ಹೆಚ್ಚಾಗಿ ಕಂಡುಬರುವ ಕಾರಣ ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿ ಉರಿಯೂತವನ್ನು ಕಡಿಮೆ ಮಾಡಿ ಹೃದಯದ ಆರೋಗ್ಯ ಸಮಸ್ಯೆಗಳನ್ನು ನಿವಾರಣೆ ಮಾಡುತ್ತದೆ.
ಮೂಳೆಗಳು ಸದೃಢಗೊಳ್ಳುತ್ತವೆ–ಸಬ್ಬಕ್ಕಿ ಕಾಳುಗಳಲ್ಲಿ ಮೊದಲೇ ಹೇಳಿದ ಹಾಗೆ ಕ್ಯಾಲ್ಸಿಯಂ ಮತ್ತು ಮೆಗ್ನೀಷಿಯಂ ಅಂಶಗಳು ಹೆಚ್ಚಾಗಿರುವ ಕಾರಣ ಮೂಳೆಗಳು ಬಲಗೊಳ್ಳುತ್ತವೆ ಮತ್ತು ಮೂಳೆಗಳ ಸಾಂದ್ರತೆ ಹೆಚ್ಚಾಗಲಿದೆ.ಪ್ರತಿ ದಿನ ಸಬ್ಬಕ್ಕಿ ಕಾಳುಗಳನ್ನು ಯಾವುದಾದರೂ ಒಂದು ರೂಪದಲ್ಲಿ ಸೇವನೆ ಮಾಡುವುದರಿಂದ ಮುಂಬರುವ ದಿನಗಳಲ್ಲಿ ಆಸ್ಟಿಯೋಪೋರೋಸಿಸ್ ಮತ್ತು ಅರ್ಥರೈಟಿಸ್ ಸಮಸ್ಯೆ ಎದುರಾಗುವುದು ತಪ್ಪುತ್ತದೆ.
ರಕ್ತದ ಒತ್ತಡ ನಿಯಂತ್ರಣವಾಗುತ್ತದೆ–ಈಗಂತೂ ಪ್ರತಿಯೊಬ್ಬರಿಗೂ ಅಧಿಕ ರಕ್ತದ ಒತ್ತಡ ಶಾಪವಾಗಿ ಪರಿಣಮಿಸುತ್ತಿದೆ. ಕೇವಲ ನಮ್ಮ ಭಾರತದಲ್ಲಿ ಮಾತ್ರವಲ್ಲದೆ ವಿಶ್ವದ ಎಲ್ಲಾ ಕಡೆ ಜನರು ಈ ಮಾರಕ ದೀರ್ಘಾವಧಿಯ ಕಾಯಿಲೆಗೆ ತಮ್ಮದೇ ಆದ ಜೀವನ ಶೈಲಿಯಿಂದ ತಮ್ಮನ್ನು ತಾವು ಗುರಿ ಮಾಡಿಸಿಕೊಳ್ಳುತ್ತಿದ್ದಾರೆ.ಕೆಲವೊಂದು ಮನೆ ಮದ್ದುಗಳನ್ನು ಬಳಕೆ ಮಾಡುವುದರಿಂದ ಮತ್ತು ಸರಿಯಾದ ಸಮಯಕ್ಕೆ ಬಿಪಿ ಮಾತ್ರೆಗಳನ್ನು ತೆಗೆದುಕೊಳ್ಳುವುದರಿಂದ ರಕ್ತದ ಒತ್ತಡವನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬಹುದು. ಆದರೆ ಆಹಾರ ಪದ್ಧತಿಯೂ ಕೂಡ ನಮಗೆ ಸಹಕಾರಿ ಆಗಿರಬೇಕು.ಹಾಗಾಗಿ ಅಧಿಕ ರಕ್ತದ ಒತ್ತಡವನ್ನು ಹೊಂದಿದವರು ತಮ್ಮ ಆಹಾರ ಪದ್ಧತಿಯಲ್ಲಿ ಸಬ್ಬಕ್ಕಿ ಯನ್ನು ಹೆಚ್ಚಾಗಿ ಬಳಕೆ ಮಾಡುವ ಮೂಲಕ ಇದರಲ್ಲಿರುವ ಪೊಟ್ಯಾಷಿಯಂ ಅಂಶವನ್ನು ತಮ್ಮದಾಗಿಸಿಕೊಂಡು ದೇಹದಲ್ಲಿ ಸರಾಗವಾದ ರಕ್ತ ಸಂಚಾರ ಉಂಟು ಮಾಡಿಕೊಳ್ಳುವ ಮೂಲಕ ರಕ್ತದ ಒತ್ತಡವನ್ನು ನಿಯಂತ್ರಣ ಮಾಡಿಕೊಳ್ಳಬಹುದು.ಇದರಿಂದ ಹೃದಯದ ಮೇಲೆ ಒತ್ತಡ ಕಡಿಮೆ ಆಗಿ ಯಾವುದೇ ಸಮಯದಲ್ಲಿ ಎದುರಾಗ ಬಹುದಾದ ಪಾರ್ಶ್ವವಾಯು ಮತ್ತು ಹೃದಯಾಘಾತ ಸಮಸ್ಯೆಯಿಂದ ಪಾರಾಗಬಹುದು.
ಹೃದಯಕ್ಕೆ ಸಂಬಂಧ ಪಟ್ಟ ಸಮಸ್ಯೆಗಳು ದೂರವಾಗುತ್ತವೆ—ದೇಹದಲ್ಲಿ ಯಾವುದೇ ಸಂದರ್ಭದಲ್ಲಿ ಎದುರಾಗುವ ಅತಿಯಾದ ಕೆಟ್ಟ ಕೊಲೆಸ್ಟ್ರಾಲ್ ಅಂಶ ಮತ್ತು ಟ್ರೈಗ್ಲಿಸೆರೈಡ್ ಒಬ್ಬ ವ್ಯಕ್ತಿಯ ಹೃದಯ ತನ್ನ ಕಾರ್ಯ ನಿಲ್ಲಿಸುವಂತೆ ಮಾಡಿ ಬಿಡುತ್ತವೆ.ಇವುಗಳಲ್ಲಿ ಕಂಡು ಬರುವ ಅಮೈಲೊಸ್ ಎಂಬ ಸ್ಟಾರ್ಚ್ ಅಂಶ ದೇಹದಲ್ಲಿ ಅಷ್ಟು ಬೇಗನೆ ಜೀರ್ಣ ಆಗುವುದಿಲ್ಲ.ಇದೊಂದು ಗ್ಲುಕೋಸ್ ಅಂಶವಾಗಿದ್ದು ನಿಧಾನವಾಗಿ ಜೀರ್ಣವಾದಂತೆ ಸಕ್ಕರೆ ಪ್ರಮಾಣವನ್ನು ದೇಹದ ರಕ್ತ ಸಂಚಾರದಲ್ಲಿ ಹೆಚ್ಚು ಮಾಡುತ್ತಾ ಹೋಗುತ್ತದೆ ಇದರಿಂದ ದೇಹದಲ್ಲಿ ಕೊಲೆಸ್ಟ್ರಾಲ್ ಅಂಶ ಹೆಚ್ಚಾಗುವುದರ ಜೊತೆಗೆ ಟ್ರೈಗ್ಲಿಸೆರೈಡ್ ಮಟ್ಟ ಕೂಡ ಹೆಚ್ಚಾಗುತ್ತದೆ.
ಸಬ್ಬಕ್ಕಿಯನ್ನು ಸರಿಯಾದ ಪ್ರಮಾಣದಲ್ಲಿ ಸೇವನೆ ಮಾಡಿ–ಈಗಾಗಲೇ ನಿಮಗೆ ಗೊತ್ತಿರುವ ಹಾಗೆ ಸಾಕಷ್ಟು ಸಿಹಿ ಪದಾರ್ಥಗಳನ್ನು ಮನೆಯಲ್ಲಿ ವಿಶೇಷ ಸಂದರ್ಭಗಳಲ್ಲಿ ತಯಾರು ಮಾಡುವಾಗ ಸಬ್ಬಕ್ಕಿಯನ್ನು ಬಳಕೆ ಮಾಡುತ್ತಾರೆ. ಇದರ ಜೊತೆಗೆ ಹಪ್ಪಳ ತಯಾರಿಕೆಯಲ್ಲೂ ಈ ಒಂದು ಆಹಾರ ಪದಾರ್ಥದ ಬಳಕೆ ಹೇರಳವಾಗಿ ನಡೆಯುತ್ತದೆ.ಸಬ್ಬಕ್ಕಿಯಲ್ಲಿ ಹೆಚ್ಚಿನ ಪ್ರಮಾಣದ ಕಾರ್ಬೋಹೈಡ್ರೇಟ್ ಅಂಶಗಳು ಮತ್ತು ಕಡಿಮೆ ಪ್ರಮಾಣದ ಪೌಷ್ಠಿಕಾಂಶಗಳು ಇರುವ ಕಾರಣ ಇವುಗಳನ್ನು ಕಡಲೆ ಬೀಜ ಮತ್ತು ಇತರ ತರಕಾರಿಗಳ ಜೊತೆ ಸೇರಿಸಿ ಬಳಕೆ ಮಾಡಬೇಕು.ಮಾರುಕಟ್ಟೆಯಲ್ಲಿ ಸಬ್ಬಕ್ಕಿ ಕಾಳುಗಳ ರೂಪದಲ್ಲಿ ಮತ್ತು ಪುಡಿಯ ರೂಪದಲ್ಲಿ ದೊರಕುತ್ತವೆ. ಒಂದು ವೇಳೆ ಸಬ್ಬಕ್ಕಿ ಕಾಳುಗಳು ನಿಮಗೆ ಸಿಕ್ಕಿದರೆ ಇಡೀ ರಾತ್ರಿ ಅವುಗಳನ್ನು ನೆನೆ ಹಾಕಿ ಮರು ದಿನ ಬೆಳಗ್ಗೆ ಸೇವನೆ ಮಾಡಿ.
ಸಬ್ಬಕ್ಕಿ ಕಾಳುಗಳನ್ನು ಬಳಕೆ ಮಾಡಿ ತಯಾರು ಮಾಡುವ ಯಾವುದೇ ಆಹಾರ ನಿಮ್ಮ ದೇಹಕ್ಕೆ ತುಂಬಾ ಆರೋಗ್ಯಕರವಾಗಿರುತ್ತದೆ ನೀವು ಮಧುಮೇಹಿ ರೋಗಿಗಳಾಗಿದ್ದರೂ ಸಹ ಅಥವಾ ನಿಮ್ಮ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಬೇಕು ಎನ್ನುವ ಅಭಿಲಾಶೆ ಹೊಂದಿದ್ದರೂ ಸಹ ಸಬ್ಬಕ್ಕಿ ಕಾಳುಗಳು ನಿಮಗೆ ಸೇವನೆಗೆ ಸೂಕ್ತವಾಗಿವೆ ದೇಹ ತೂಕ ಕಡಿಮೆ ಮಾಡಿಕೊಳ್ಳಬೇಕು ಎನ್ನುವವರು ಸ್ವಲ್ಪ ನಿಯಮಿತ ಪ್ರಮಾಣದಲ್ಲಿ ಸಬ್ಬಕ್ಕಿ ಕಾಳುಗಳನ್ನು ಸೇವನೆ ಮಾಡಬೇಕು.
ಸಂಸ್ಕರಿಸದೆ ಇರುವ ಸಬ್ಬಕ್ಕಿ ಪಾಮ್ ವಿಷಕಾರಿ ಪ್ರಭಾವವನ್ನು ಹೊಂದಿದ್ದು, ನಿಮಗೆ ಸೇವನೆ ಮಾಡಿದ ಬಳಿಕ ವಾಕರಿಕೆ, ವಾಂತಿ, ಲಿವರ್ ಹಾನಿ ಮತ್ತು ಸಾವು ಕೂಡ ಸಂಭವಿಸುವಂತೆ ಮಾಡಬಹುದು.