ನಾವು ನಮ್ಮ ಮನೆಗಳಲ್ಲಿ ರುಚಿಕರವಾದ ಅಡುಗೆಗಳನ್ನು ತಯಾರು ಮಾಡಲು ಹಲವು ಬಗೆಯ ಅಡುಗೆ ಎಣ್ಣೆಗಳನ್ನು ಬಳಕೆ ಮಾಡುತ್ತೇವೆ. ಆದರೆ ಕೆಲವೊಮ್ಮೆ ಆತುರದಲ್ಲಿ ನಾವು ಯಾವ ಎಣ್ಣೆ ಬಳಕೆ ಮಾಡುತ್ತಿದ್ದೇವೆ, ಅದರ ಆರೋಗ್ಯ ಪ್ರಯೋಜನಗಳು ಅಥವಾ ಆರೋಗ್ಯ ತೊಂದರೆಗಳು ಏನಿರಬಹುದು ಎಂಬುದನ್ನು ಯೋಚನೆ ಮಾಡುವುದಿಲ್ಲ.
ಕೆಲವೊಂದು ಎಣ್ಣೆಯ ಅಂಶಗಳು ನಮ್ಮ ದೇಹದಲ್ಲಿ ಅದರಲ್ಲೂ ವಿಶೇಷವಾಗಿ ನಮ್ಮ ಹೃದಯದ ಆರೋಗ್ಯಕ್ಕೆ ಸಾಕಷ್ಟು ತೊಂದರೆ ನೀಡುತ್ತದೆ. ಮೇಲ್ನೋಟಕ್ಕೆ ಹೇಳುವುದಾದರೆ ಹೆಚ್ಚು ಜಿಡ್ಡಿನ ಅಂಶವನ್ನು ಹೊಂದಿರುವ ಯಾವುದೇ ಅಡುಗೆ ಎಣ್ಣೆಗಳನ್ನು ಸೇವಿಸಬಾರದು. ಅಂತಹ ಪಟ್ಟಿಗೆ ತೆಂಗಿನ ಎಣ್ಣೆ ಕೂಡ ಸೇರುತ್ತದೆ.
ತೆಂಗಿನ ಎಣ್ಣೆಈ ವಿಚಾರ
ಇದುವರೆಗೂ ಹಲವಾರು ವೈಜ್ಞಾನಿಕ ಸಂಶೋಧನೆಗಳು ಮತ್ತು ಅಧ್ಯಯನಗಳು ತಿಳಿಸಿರುವ ಹಾಗೆ ತೆಂಗಿನ ಎಣ್ಣೆಯಲ್ಲಿ ಬಹುತೇಕ ಮೀಡಿಯಂ – ಚೈನ್ ಟ್ರೈಗ್ಲಿಸರೈಡ್ ಅಂಶಗಳು ಬಹಳಷ್ಟಿವೆ.
ರಾಸಾಯನಿಕವಾಗಿ ನೋಡುವುದಾದರೆ ಮೀಡಿಯಂ – ಚೈನ್ ಟ್ರೈಗ್ಲಿಸರೈಡ್ ಅಂಶಗಳ ರೂಪ ತುಂಬಾ ಚಿಕ್ಕದಿರುವುದರಿಂದ ಆಹಾರ ಪದ್ಧತಿಯಲ್ಲಿ ಬಳಕೆಯ ನಂತರ ಜೀರ್ಣಾಂಗ ವ್ಯವಸ್ಥೆ ಯಲ್ಲಿ ಜೀರ್ಣವಾಗುವ ಸಂದರ್ಭದಲ್ಲಿ ತಕ್ಷಣವೇ ಜೀರ್ಣಗೊಂಡು ಹೆಚ್ಚಿನ ಕೊಬ್ಬಿನ ಅಂಶ ಶೇಖರಣೆ ಆಗುವುದು ತಪ್ಪುತ್ತದೆ.
ಆದರೆ ಒಂದು ವಿಚಾರ ಎಂದರೆ ಸೂಪರ್ ಮಾರ್ಕೆಟ್ ಗಳಲ್ಲಿ ಸುಲಭವಾಗಿ ಸಿಗುವ ತೆಂಗಿನ ಎಣ್ಣೆ ಮೀಡಿಯಂ ಚೈನ್ ಟ್ರೈಗ್ಲಿಸರೈಡ್ ಆಗಿರುವುದಿಲ್ಲ. ಹಾಗಾಗಿ ಇದು ನಮ್ಮ ದೇಹದಲ್ಲಿ ಹೀರಿಕೊಳ್ಳಲು ಮತ್ತು ಜೀರ್ಣವಾಗಲು ತುಂಬಾ ಸಮಯ ತೆಗೆದುಕೊಳ್ಳುತ್ತದೆ.
ಜೊತೆಗೆ ಕೋಕನಟ್ ಆಯಿಲ್ ನಲ್ಲಿ ಕಂಡು ಬರುವ ಲಾರಿಕ್ ಆಸಿಡ್ ಎಂಬ ಅಂಶ ನಮ್ಮ ಹೃದಯದ ಸ್ನೇಹಿ ಎಂದು ಹೇಳಬಹುದು. ಆದರೆ ಕೆಲವು ದೊಡ್ಡ ದೊಡ್ಡ ಸಂಶೋಧನೆಗಳು ಮಾತ್ರ ಲಾರಿಕ್ ಆಸಿಡ್ ಮತ್ತು ಹೃದಯದ ಆರೋಗ್ಯದ ವಿಚಾರವಾಗಿ ಇರುವ ಸಂಬಂಧವನ್ನು ಸಾಬೀತು ಪಡಿಸಲು ಸಾಧ್ಯವಾಗಿಲ್ಲ.
ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶ ಹೆಚ್ಚಾಗುತ್ತದೆ
ತೆಂಗಿನ ಎಣ್ಣೆಯಲ್ಲಿ ಸುಮಾರು 92 % ಸ್ಯಾಚುರೇಟೆಡ್ ಫ್ಯಾಟ್ ಅಂಶಗಳು ಸಿಗುವುದರಿಂದ ಹೃದಯದ ಮೇಲೆ ಇದು ಹಾನಿಕಾರಕ ತೊಂದರೆ ಉಂಟು ಮಾಡುತ್ತದೆ.
ಹೃದಯದ ಅಪಧಮನಿಗಳನ್ನು ಹಾಗೂ ರಕ್ತ ನಾಳಗಳಲ್ಲಿ ರಕ್ತ ಹೆಪ್ಪುಗಟ್ಟುವಂತೆ ಮಾಡಿ ಹೃದಯ ಸ್ತಂಭನ ಉಂಟಾಗುವಂತೆ ಪ್ರೇರೇಪಿಸುತ್ತವೆ. ಹಾಗಾಗಿ ತೆಂಗಿನ ಎಣ್ಣೆ ಮತ್ತು ಪಾಮ್ ಆಯಿಲ್ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶಗಳನ್ನು ಹೆಚ್ಚು ಮಾಡಿ ಆರೋಗ್ಯವನ್ನು ಹಾಳು ಮಾಡುವುದರಿಂದ ಇವುಗಳಿಂದ ಸಾಧ್ಯವಾದಷ್ಟು ದೂರವಿರುವುದು ಒಳ್ಳೆಯದು.
ಹೃದಯದ ಆರೋಗ್ಯದ ಮೇಲೆ ಪ್ರಭಾವ ಬೀರುತ್ತದೆ
ನಮ್ಮ ಹೃದಯ ಆರೋಗ್ಯವಾಗಿರಬೇಕಾದರೆ ನಮ್ಮ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶ ತುಂಬಾ ಕಡಿಮೆ ಇರಬೇಕು.
ಹಾಗಾಗಿ ತೆಂಗಿನ ಎಣ್ಣೆಯನ್ನು ಹೆಚ್ಚಾಗಿ ಹೊಂದಿದ ಯಾವುದೇ ಅಡುಗೆ ಕೆಟ್ಟ ಕೊಲೆಸ್ಟ್ರಾಲ್ ಅಥವಾ ಎಲ್ ಡಿ ಎಲ್ ಅಂಶಗಳನ್ನು ದೇಹದಲ್ಲಿ ಹೆಚ್ಚು ಮಾಡುತ್ತದೆ. ಹಾಗಾಗಿ ಈಗಾಗಲೇ ಹೃದಯ ಸ್ತಂಭನ ಸಮಸ್ಯೆ ಅನುಭವಿಸಿದವರು ತೆಂಗಿನ ಎಣ್ಣೆ ಬಳಸಿ ತಯಾರು ಮಾಡಿದ ಅಡುಗೆ ಪದಾರ್ಥಗಳಿಂದ ದೂರವಿದ್ದರೆ ಒಳ್ಳೆಯದು.
ಹೆಚ್ಚು ಸಂಸ್ಕರಿಸಿದ ಎಣ್ಣೆ ಇದಾಗಿದೆ
ನಾವು ಅಡುಗೆಗೆ ಬಳಸುವ ಇತರ ಎಣ್ಣೆಗಳಂತೆ ತೆಂಗಿನ ಎಣ್ಣೆ ಕೂಡ ಸಾಕಷ್ಟು ಬಗೆಯ ಸಂಸ್ಕರಣ ಹಂತಗಳಿಗೆ ಹೋಗಿ ನಂತರ ಪ್ಯಾಕ್ ಮಾಡಲ್ಪಡುತ್ತದೆ. ಈ ರೀತಿಯ ಸಂಸ್ಕರಣ ಪ್ರಕ್ರಿಯೆಯಲ್ಲಿ ಎಣ್ಣೆಯ ಆರೋಗ್ಯಕರ ಅಂಶಗಳು ಮತ್ತು ತೆಂಗಿನ ಎಣ್ಣೆಯ ಗುಣಮಟ್ಟ ಹಾಳಾಗುತ್ತದೆ. ಜೊತೆಗೆ ತೆಂಗಿನ ಎಣ್ಣೆಯಲ್ಲಿ ಕೆಲವೊಂದು ದ್ರಾವಣಗಳು ತುಂಬಾ ಹೆಚ್ಚಿನ ತಾಪಮಾನದಲ್ಲಿ ಮಿಶ್ರಣವಾಗಿರುತ್ತವೆ.
ವರ್ಜಿನ್ ಕೋಕೋನಟ್ ಆಯಿಲ್
ಇತರ ತೆಂಗಿನಕಾಯಿ ಎಣ್ಣೆಗಳಿಗೆ ಹೋಲಿಸಿದರೆ ವರ್ಜಿನ್ ಕೋಕನಟ್ ಆಯಿಲ್ ಅಥವಾ ಕೋಲ್ಡ್ ಪ್ರೆಸ್ಟ್ ಕೋಕನಟ್ ಆಯಿಲ್ ಮಾರುಕಟ್ಟೆಗಳಲ್ಲಿ ತುಂಬಾ ಆರೋಗ್ಯಕರ ಎಂದು ಬಿಂಬಿಸಿ ಮಾರಾಟ ಮಾಡಲಾಗುತ್ತದೆ.
ಆದರೆ ಹೈಡ್ರೋಜನೇಷನ್ ಪ್ರಕ್ರಿಯೆಯಲ್ಲಿ ಇವು ಭಾಗಿ ಆಗುವುದಿಲ್ಲ ಎಂದು ಹೇಳುತ್ತಾರೆ. ಹಾಗಾಗಿ ದೇಹದಲ್ಲಿ ಕೊಲೆಸ್ಟ್ರಾಲ್ ಅಂಶಗಳನ್ನು ಹೆಚ್ಚಿಸುವುದರಲ್ಲಿ ಇದರ ಪಾತ್ರ ಕೂಡ ಇದೆ ಎಂದು ಹೇಳಲಾಗುತ್ತದೆ.
ತೆಂಗಿನ ಎಣ್ಣೆ ಬಳಕೆ ಮಾಡುವವರಿಗೆ ಏನು ಹೇಳಬೇಕು ?
ಮಿತಿಯ ಪ್ರಮಾಣದಲ್ಲಿ ಕೋಕನಟ್ ಆಯಿಲ್ ಸೇವನೆ ಮಾಡಿದರೆ ಹೃದಯಕ್ಕೆ ಯಾವುದೇ ತೊಂದರೆ ಇಲ್ಲ ಎಂದು ತಜ್ಞರ ವಾದ.
ಪ್ರತಿ ದಿನವೂ ಆಹಾರ ತಯಾರಿಕೆಯಲ್ಲಿ ಬಳಕೆ ಮಾಡಿ ಸೇವಿಸುತ್ತ ಬಂದರೆ ಮತ್ತು ಬದಲಾದ ಜೀವನ ಶೈಲಿ ಹಾಗೂ ಆಹಾರ ಪದ್ಧತಿ ಕಾರಣದಿಂದ ಸಮಸ್ಯೆಯನ್ನು ಖಂಡಿತ ಆಗುತ್ತದೆ.
ತೆಂಗಿನ ಎಣ್ಣೆ ಬಳಕೆಯಲ್ಲಿ ಮಿತಿ ಇರಲಿ
ಕಡಿಮೆ ಪ್ರಮಾಣದಲ್ಲಿ ಸೇವನೆ ಮಾಡುವ ತೆಂಗಿನ ಎಣ್ಣೆ ಆರೋಗ್ಯಕ್ಕೆ ಯಾವುದೇ ತೊಂದರೆ ನೀಡುವುದಿಲ್ಲ ಎಂದು ಈಗಾಗಲೇ ತಿಳಿದುಬಂದಿದೆ. ಯಾವುದೇ ಕಾರಣಕ್ಕೂ ಪ್ರತಿದಿನವೂ ಅಡುಗೆಯಲ್ಲಿ ಕೋಕನಟ್ ಆಯಿಲ್ ಬಳಕೆ ಮಾಡಬಾರದು.
ಅದು ಅಲ್ಲದೆ ಆಹಾರ ತಜ್ಞರು ಹೇಳುವ ಹಾಗೆ ಕೋಕನಟ್ ಆಯಿಲ್ ಸೇವನೆಯಲ್ಲಿ ಮಿತಿಯನ್ನು ಮೀರದಿದ್ದರೆ ಅಥವಾ ದಿನನಿತ್ಯದ ಪ್ರಮಾಣದ ಸ್ಯಾಚುರೇಟೆಡ್ ಫ್ಯಾಟ್ ಅಂಶಗಳನ್ನು ಅಗತ್ಯ ಪ್ರಮಾಣದಲ್ಲಿ ಸೇವಿಸಿದರೆ ಯಾವುದೇ ತೊಂದರೆ ಇಲ್ಲ.